అంతర్జాతీయం
పాకిస్తాన్ మోడల్ దారుణ హత్య
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 16: పాకిస్తాన్ మోడల్ ఖాందిల్ బాలోచ్ దారుణ హత్యకు గురైంది. ఆమె సోదరుడే పంజాబ్ రాష్ట్రంలోని ముల్తాన్‌లో బాలోచ్‌ను హత్యచేశాడు. శుక్రవారం రాత్రి ఈ ఘటన చోటుచేసుకుందని పోలీసులు తెలిపారు. పాశ్చాత్య సంస్కృతిని వ్యతిరేకించేవారిని ఆమె తీవ్రంగా విమర్శించేది. దీనిపై సోషల్ మీడియాలో పోస్టుచేస్తూ సంచలన మోడల్‌గా పేరుతెచ్చుకుంది. ఆమె వ్యవహారం నచ్చని సోదరుడు అనేకసార్లు మందలించినా వినిపించుకోలేదని, దీంతో సోదరిని తుపాకీతో కాల్చి చంపేశాడని పోలీసు అధికారి అజార్ అక్రం వెల్లడించారు. ఖాందిల్ బాలోచ్ అసలు పేరు ఫౌజియా అజీం. మోడల్‌గా మారిన తరువాత పేరు మార్చుకుంది. ఫేస్‌బుక్, ట్విట్టర్‌లలో అభ్యంతర పోస్టులు చేయడంతో కుటుంబ సభ్యులు అనేకసార్లు హెచ్చరించారు. మూడు వారాల క్రితమే తనకు రక్షణ కల్పించాలని ఆంతరంగిక మంత్రిని బాలోచ్ అభ్యర్థించింది. 26 ఏళ్ల మోడల్‌కు సోషల్ మీడియాలో వేలాది మంది ఫాలోవర్స్ ఉన్నారని పోలీసులు చెప్పారు. క్రికెట్ దిగ్గజం, రాజకీయ నేత ఇమ్రాన్‌ఖాన్‌ను పెళ్లాడాలని ఉందని బాలోచ్ అనేక సార్లు ప్రకటించింది.
చిత్రం.. మోడల్ ఖాందిల్ బాలోచ్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.