అంతర్జాతీయం
ఉగ్రవాదుల పట్ల ఇక కఠిన వైఖరి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 12: పాకిస్తాన్ గడ్డపై నుంచి కార్యకలాపాలు నిర్వహిస్తున్న ఉగ్రవాదులందరి పట్ల కఠినంగా వ్యవహరిస్తానని, భారత్‌తో ఉద్రిక్తతలను తగ్గించేందుకు చర్యలు తీసుకుంటానని ఆ దేశం అమెరికాకు హామీ ఇచ్చింది. పాకిస్తాన్ విదేశాంగ మంత్రి షా మహమూద్ ఖురేషి సోమవారం జరిపిన ఫోన్ సంభాషణలో ఈ హామీ ఇచ్చారని అమెరికా జాతీయ భద్రతా సలహాదారు జాన్ బోల్టన్ సామాజిక మాధ్యమం ట్విట్టర్‌లో పోస్ట్ చేసిన ఒక సందేశంలో పేర్కొన్నారు. అదే రోజు ఇక్కడ భారత విదేశాంగ శాఖ కార్యదర్శి విజయ్ గోఖలే అమెరికా విదేశాంగ శాఖ మంత్రి మైక్ పోంపియోతో భేటీ అయ్యారు. ‘పాకిస్తాన్ గడ్డపై నుంచి కార్యకలాపాలు నిర్వహిస్తున్న జైషే మహ్మద్, ఇతర ఉగ్రవాద సంస్థలకు వ్యతిరేకంగా అర్థవంతమయిన చర్యలు తీసుకోవడాన్ని ప్రోత్సహించేందుకు పాకిస్తాన్ విదేశాంగ మంత్రి ఖురేషితో మాట్లాడాను’ అని బోల్టన్ తెలిపారు. ‘పాకిస్తాన్ అన్ని ఉగ్రవాద సంస్థలతో కఠినంగా వ్యవహరిస్తుందని, భారత్‌తో ఉద్రిక్తతలను తగ్గించేందుకు చర్యలను కొనసాగిస్తుందని ఆ దేశ విదేశాంగ మంత్రి నాకు హామీ ఇచ్చారు’ అని బోల్టన్ ట్వీట్ చేశారు. పాకిస్తాన్ కేంద్రంగా పనిచేస్తున్న జైషే మహ్మద్ ఉగ్రవాద సంస్థ జమ్మూకాశ్మీర్‌లోని పుల్వామాలో ఆత్మాహుతి బాంబుదాడికి పాల్పడి 40 మంది సీఆర్‌పీఎఫ్ జవాన్లను పొట్టన పెట్టుకున్న తరువాత భారత్, పాకిస్తాన్‌ల మధ్య ఉద్రిక్తతలు పెరిగాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.