అంతర్జాతీయం
మరింత పడిపోయిన పత్రికా స్వేచ్ఛ
S ,7 à 8 RSCA (si SASPAS) et 6 cialis pharmacie cialis rapports de stage.
లండన్: ప్రపంచ పత్రికా స్వేచ్ఛ సూచీలో భారత్ రెండు స్థానాలు దిగజారింది. 180 దేశాలతో కూడిన ఈ జాబితాలో భారత్ 140వ స్థానానికి పడిపోయింది. భారత్‌లో ప్రస్తుతం కొనసాగుతున్న సార్వత్రిక ఎన్నికల ప్రక్రియ సందర్భంగా ప్రత్యేకించి జర్నలిస్టులకు ప్రమాదం పొంచి ఉందని గురువారం విడుదలయిన ఒక నివేదిక విశే్లషించింది. ‘వరల్డ్ ప్రెస్ ఫ్రీడం ఇండెక్స్ 2019’లో నార్వే అగ్ర స్థానంలో నిలిచింది. ప్రపంచ వ్యాప్తంగా జర్నలిస్టుల పట్ల శత్రుభావం పెరిగిందని ఈ నివేదిక ఆందోళన వ్యక్తం చేసింది. ప్రత్యేకించి భారత్‌లో జర్నలిస్టులపై హింసాత్మక దాడులు జరుగుతున్నాయని, ఇలాంటి దాడుల కారణంగా గత సంవత్సరం ఆరుగురు భారతీయ జర్నలిస్టులు తమ విధినిర్వహణలో దారుణ హత్యలకు గురయ్యారని పేర్కొంది. భారత్‌లో ప్రస్తుతం పత్రికా స్వేచ్ఛపై వివిధ రకాల దాడులు జరుగుతున్నాయని తెలిపింది. పోలీసుల హింస, మావోయిస్టుల దాడులు, నేరస్థుల ముఠాలు, అవినీతి రాజకీయ నాయకుల నుంచి ప్రతీకార దాడులు వంటి వాటిని భారతీయ జర్నలిస్టులు ప్రధానంగా ఎదుర్కొంటున్నారని వివరించింది. భారత్‌లో 2018వ సంవత్సరంలో ఆరుగురు జర్నలిస్టులు వారి జర్నలిజం వృత్తిలో భాగంగా చేసిన కృషి కారణంగా దారుణ హత్యలకు గురయ్యారని పేర్కొంది. ఏడో ఘటనపై కూడా అనేక అనుమానాలు ఉన్నాయని తెలిపింది. భారత్‌లో జర్నలిస్టులు ఎదుర్కొంటున్న అనేక ప్రమాదాలను, ప్రత్యేకించి ఇంగ్లీషేతర భాషా సంస్థలు నడుపుతున్న మీడియా సంస్థలకు గ్రామీణ ప్రాంతాల్లో పనిచేస్తున్న జర్నలిస్టులు ఎదుర్కొంటున్న ముప్పును ఈ హత్యలు ప్రతిబింబిస్తున్నాయని తెలిపింది. భారత్‌లో ప్రస్తుతం జరుగుతున్న సార్వత్రిక ఎన్నికల సందర్భంగా జర్నలిస్టులపై బీజేపీ మద్దతుదారుల దాడులు పెరిగాయని కూడా ఈ నివేదిక వెల్లడించింది. ప్యారిస్ కేంద్రంగా కార్యకలాపాలు నిర్వహిస్తున్న రిపోర్టర్స్ సాన్స్ ఫ్రాంటియర్స్ (ఆర్‌ఎస్‌ఎఫ్- రిపోర్టర్స్ వితౌట్ బోర్డర్స్) ప్రపంచ వ్యాప్తంగా జర్నలిస్టులపై జరుగుతున్న దాడుల వివరాలను సేకరించడంతో పాటు ఆ దాడులకు వ్యతిరేకంగా పోరాడుతోంది. అందులో భాగంగా ఈ నివేదికను విడుదల చేసింది. ఈ సూచీలో పాకిస్తాన్ మూడు స్థానాలు దిగజారి 142వ స్థానంలో, బంగ్లాదేశ్ నాలుగు స్థానాలు దిగజారి 150 స్థానంలో నిలిచాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.