అంతర్జాతీయం
మాతో పెట్టుకోకండి!
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూలై 25: భారత్‌లో ఉంటున్న ముగ్గురు తమ పౌరులకు వీసా పొడిగింపును తిరస్కరించటంపై చైనా తీవ్రంగా స్పందించింది. భారత్ తమపై ప్రతీకారం తీర్చుకునే ధోరణిలో వ్యవహరిస్తే దాని పరిణామాలు తీవ్రంగా ఉంటాయని ఆ దేశ అధికార పత్రిక గ్లోబల్ టైమ్స్ హెచ్చరించింది. చైనా అధికార వార్తా సంస్థ జిన్‌హువాకు చెందిన ముగ్గురు జర్నలిస్టులకు వీసా పొడిగింపును భారత్ నిరాకరించింది. ఢిల్లీలో ఒక బ్యూరో చీఫ్, ముంబైలోని ఇద్దరు జర్నలిస్టులకు వీసా పొడిగింపును తిరస్కరించటంపై గ్లోబల్‌టైమ్స్ సోమవారం సంపాదకీయం రాసింది. అణు ఇంధన సరఫరా గ్రూప్‌లో భారత్ సభ్యత్వాన్ని అడ్డుకున్నందుకు ప్రతీకారంగా, తమ ముగ్గురు జర్నలిస్టులకు వీసా తిరస్కరించారని ఆరోపించింది. జర్నలిస్టుల వీసా తిరస్కరణకు చెప్తున్న అనధికార కారణాలు పేలవమైనవని కూడా విమర్శించింది. వీసా పొడిగింపును ఆపడానికి అధికారిక కారణాలు ఏవీ చెప్పలేదని కూడా పేర్కొంది. ‘ఎన్‌ఎస్‌జిలో భారత్ సభ్యత్వాన్ని వ్యతిరేకించినందుకు ప్రతీకారం తీర్చుకోవాలని న్యూఢిల్లీ భావిస్తే దాని పరిణామాలు చాలా తీవ్రంగా ఉంటాయి’ అని హెచ్చరించింది. భారత మీడియా మాత్రం ఈ ముగ్గురు జర్నలిస్టులు మారు పేర్లతో వివిధ ప్రభుత్వ విభాగాల్లోకి ప్రవేశిస్తున్నారని విమర్శించింది. దీనిపై గ్లోబల్‌టైమ్స్ స్పందిస్తూ ‘్భరత్‌ది అనుమానపు బుద్ధి. ఈసారి మన ప్రతిస్పందన ఏమిటో కార్యాచరణలో భారత్‌కు చూపాలి. కనీసం కొందరు భారతీయులైనా చైనా వీసా రావటం చాలా కష్టమని భావించాలి’ అని వ్యాఖ్యానించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.