అంతర్జాతీయం
ఐరాస హక్కుల మండలికీ వెళ్తాం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 21: కాశ్మీర్ వ్యవహారాన్ని సాధ్యమైనంతగా అంతర్జాతీయ సమస్యగా సృష్టించేందుకు పాకిస్తాన్ తన ప్రయత్నాలను మాత్రం మానలేదు. భద్రతా మండలిలో చుక్కెదురు కావడంతో అంతర్జాతీయ న్యాయస్థానంలో ఈ అంశాన్ని ప్రస్తావిస్తామని వెల్లడించిన పాకిస్తాన్ మరో అడుగు ముందుకు వేసి, ఐక్యరాజ్యసమితి మానవ హక్కుల మండలిలో కూడా దీనిని లేవనెత్తేందుకు పావులు కదుపుతోంది. ఈ విషయాన్ని పాక్ విదేశాంగ శాఖ ప్రతినిధి మహమ్మద్ ఫైజల్ బుధవారంనాడు ఇక్కడ వెల్లడించారు. సెనేట్ కమిటీ ముందు హాజరైన ఆయన కాశ్మీర్‌పై ఏవిధంగా ముందుకు వెళ్లాలన్న దానిపై అనేక అంశాలను పరిశీలిస్తున్నామని అన్నారు. తాజాగా, ఐరాస మానవ హక్కుల మండలిలో కూడా దీనిని లేవనెత్తుతామని, ఇదీ కాకపోతే ఇస్లామిక్ సహకార సంస్థ విదేశాంగ మంత్రుల సమావేశంలో కూడా కాశ్మీర్‌ను ప్రస్తావిస్తామని అన్నారు. ఆధీనరేఖ పొడవునా భారత్ కాల్పుల విరమణ ఒప్పందాన్ని విస్మరిస్తోందని ఆయన ఆరోపించారు. ప్రస్తుతం అక్కడ పరిస్థితి ప్రమాదకరంగా ఉందని, ఇరు దేశాలు పెద్ద ఎత్తున ప్రాణనష్టాన్ని చవిచూస్తున్నాయని తెలిపారు. పాక్ విదేశాంగ మంత్రి షా మహమ్మద్ ఖురేషీ, నార్వే విదేశాంగ మంత్రి ఎరిక్సన్ సూరిడేతో ఫోన్‌లో ఆయన మాట్లాడారు. కాశ్మీర్ అంశంపైనే ఆయన చర్చించినట్టు తెలుస్తోంది. జమ్మూకాశ్మీర్‌లో అమలవుతున్న ఆంక్షలను సడలించేలా భారత్‌పై ఒత్తిడి తేవాలని ఈ సందర్భంగా ఆయన నార్వేను కోరారు. అయితే, ఉద్రిక్తతలను పెంచకుండా పరస్పర సహకారంతో మెసలాలని రెండు దేశాలను కోరతామని నార్వే ఈ సందర్భంగా తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.