అంతర్జాతీయం
అమెరికాలో బాంబు పేలుళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, సెప్టెంబర్ 18: మరికొన్ని గంటల్లో ఐరాస కీలక భేటీకి వివిధ దేశాల నేతలు రానున్న తరుణంలో అమెరికాలో రెండు బాంబు పేలుడు సంఘటనలతో అట్టుడికింది. వీటిలో ప్రషర్ కుకర్ బాంబు పేలుడు ఘటనలో 29మంది గాయపడ్డారు. మాన్‌హట్టన్‌లోని చెల్సియాలో బాంబు పేలుడు ఘటన జరిగిన కొద్ది వ్యవధిలోనే న్యూయార్క్‌లో ఈ విస్ఫోటనం సంభవించింది. ఈ పేలుడును ఉద్దేశపూర్వక ప్రయత్నంగా న్యూయార్క్ మేయర్ అభివర్ణించారు. దీని ప్రభావం వల్ల సమీపంలోని భవనాల అద్దాలు పగిలిపోయాయని, కార్లూ దెబ్బతిన్నాయని పోలీసులు తెలిపారు. అలాగే భవన శిథిలాలు వీధుల్లోకి వచ్చి పడ్డాయని, ఒక బ్లాక్‌కు బ్లాకే ఊగిపోయిందని వివరించారు. ఇటీవలే 9/11 పదిహేనో వార్షికోత్సవం జరిగిన నేపథ్యంలో ఈ పేలుడు సంభవించడం సర్వత్రా భయాందోళనలకు దారితీసింది.స్థానిక కాలమానం ప్రకారం ఎనిమిదిన్నరుకు జరిగిన ఈ పేలుడుకు పాల్లడింది తామేనని ఏ ఉగ్రవాద సంస్థా ప్రకటించుకోలేదు. ఇందుకు సంబంధించిన వీడియోలను అధికారులు క్షుణ్ణంగా పరిశీలిస్తున్నారు. రెండో బాంబు పేలుడు కూడా సంభవించిందని ఇది ప్రషర్ కుక్కర్ బాంబేదని చెబుతున్నారు. ఈ తరహా బాంబునే 2013లో బోస్టన్ మారథాన్‌లో వినియోగించారని గుర్తు చేశారు. కాగా గాయపడిన వారిలో చాలా మంది పరిస్థితి తీవ్రంగానే ఉందని న్యూయార్క్ మేయర్ బ్లాసియో తెలిపారు. బాంబు పేలుడు వెనుక ఉగ్రవాదుల హస్తం ఉందనడానికి ఎలాంటి ఆధారాలు లేవన్నారు.
చిత్రం.. క్షతగాత్రులను ఆసుపత్రికి తరలిస్తున్న పోలీసులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.