అంతర్జాతీయం
ఎఫ్‌బిఐ లేఖే కొంపముంచింది
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, నవంబర్ 13: అమెరికా అధ్యక్ష ఎన్నికల్లో తాను పరాజయం పాలుకావడానికి ఎఫ్‌బిఐ డైరెక్టరే కారణమని డెమొక్రెటిక్ పార్టీ నాయకురాలు హిల్లరీ క్లింటన్ ఆరోపించారు. తనపై దాఖలైన ఇమెయిళ్ల కేసును పునరుద్ధరించాలని ఎఫ్‌బిఐ నిర్ణయించడంవల్లే తాను ఘోర పరాజయాన్ని చవిచూసానని, లేనిపక్షంలో ఈ ఎన్నికల్లో చారిత్రక విజయాన్ని సాధించి ఉండేదాన్ననే హిల్లరీ వెల్లడించారు. రిపబ్లిక్ అభ్యర్థి డొనాల్డ్ ట్రంప్‌పై చివరి క్షణం వరకుకూడా అత్యంత అధిక్యతను కొనసాగిస్తున్న తాను అనుకున్న విజయాన్ని సాధించలేకపోవడానికి అనేక కారణాలు ఉండవచ్చని పేర్కొన్న హిల్లరి ‘‘ప్రధానంగా ఇమెయిళ్ల కేసును తిరగదోడాలని ఎఫ్‌బిఐ డైరెక్టర్ కోమె తీసుకున్న నిర్ణయమే ఇందుకు కారణం’’ అని అన్నారు. ఇమెయిళ్ల కుంభకోణంపై తాము దర్యాప్తును మళ్లీ ప్రారంభిస్తున్నామని ఎఫ్‌బిఐ డైరెక్టర్ జేమ్స్ కోమె కాంగ్రెస్ నాయకత్వానికి లేఖ రాసేవరకు కూడా తాను తిరుగులేని ఆధిక్యతలోనే ఉన్నానని హిల్లరి గుర్తుచేశారు. ఎన్నికలకు రెండు రోజుల ముందు క్లీన్‌చిట్ ఇచ్చినప్పటికి ప్రయోజనం లేకపోయిందన్నారు. మొదటి లేఖతోనే ట్రంప్ మద్దతుదారులకు కొత్త శక్తి వచ్చినట్లయిందని, తనకు క్లీన్‌చిట్ లభించినా వారి ఆధిక్యతే కొనసాగిందని వెల్లడించారు. చివరి క్షణంలో జరిగిన నష్టాన్ని భర్తీ చేసుకునేందుకు ఎంతగా ప్రయత్నించినా ఫలితాన్ని సాధించలేకపోయామన్నారు. ఫలితాన్ని మార్చే సామర్థ్యం కలిగిన రెండు రాష్ట్రాల్లో భారీగా పుంజుకోగలిగామని, కాని తమకు పట్టువున్న రాష్ట్రాలు ఆదుకోలేకపోవడంవల్లే ఓటమిపాలయ్యానని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.