అంతర్జాతీయం
నెత్తురోడిన ‘అడెన్’
S ,7 à 8 RSCA (si SASPAS) et 6 cialis pharmacie cialis rapports de stage.
అడెన్, డిసెంబర్ 18: యెమన్‌లోని అడెన్ నగరంలో ఆదివారం జరిగిన ఆత్మాహుతి దాడిలో కనీసం 48 మంది సైనికులు చనిపోగా, పలువురు గాయపడ్డారు. గాయపడిన వారిలో పలువురి పరిస్థితి విషమంగా ఉండడంతో మృతుల సంఖ్య ఇంకా పెరిగే అవకాశముందని, సైనిక, వైద్య వర్గాలు తెలిపాయి. కాగా, ఈ ఆత్మాహుతి దాడి తమ పనేనని ఐసిస్ ఉగ్రవాద సంస్థ ప్రకటించుకుంది. దేశంలోని రెండవ పెద్ద నగరమైన అడెన్‌లో ఇటీవలి కాలంలో సైనికులపై ఆత్మాహుతి దాడి జరగడం ఇది రెండోసారి. అడెన్‌లోని అల్-అరిష్ జిల్లాలో అల్-సావ్లాబన్ సైనిక స్థావరం వద్ద ప్రత్యక భద్రతా దళాల అధిపతి కల్నల్ నాసర్ సరియా నివాసం వద్ద జీతాలు తీసుకోవడానికి సైనికులు క్యూలో నిలబడి ఉన్నప్పుడు వారిలో చేరిపోయిన మానవ బాంబు తనను తాను పేల్చేసుకున్నట్లు ఆర్మీ అధికారి ఒకరు చెప్పారు. మృతుల సంఖ్య 48ని దాటిపోయిందని గాయపడిన వారి సంఖ్య 50 దాకా ఉందని అడెన్ వైద్య అధికారి అబ్దెల్ నాసెర్ అల్ వలీ చెప్పారు. ఇసుక మైదానంలో రక్తపు మరకలు, చెల్లాచెదరుగా పడి ఉన్న చెప్పులు, అవయవాల శకలాలతో బీభత్సంగా ఉన్న దృశ్యాలను టీవీలు ప్రసారం చేశాయి. ఈ దాడి తామే జరిపినట్లు ఐఎస్ ఉగ్రవాద సంస్థ తెలిపింది. అడెన్‌లో వారం రోజుల వ్యవధిలో సైనికులపై జరిగిన రెండో దాడి ఇది. ఎనిమిది రోజుల క్రితం కూడా సైనికులపై ఇలాంటి ఆత్మాహుతి దాడి జరిగి 48 మంది సైనికులు చనిపోగా, 29 మంది గాయపడ్డారు.
చిత్రం..అడెన్ నగరంలో ఆదివారం ఆత్మాహుతి దాడి జరిగిన ప్రాంతం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.