అంతర్జాతీయం
ఉగ్రవాదం వద్దు
S ,7 à 8 RSCA (si SASPAS) et 6 cialis pharmacie cialis rapports de stage.
వాటికన్ సిటీ, డిసెంబర్ 25: క్రైస్తవుల పవిత్రమైన పండుగ క్రిస్మస్‌ను పురస్కరించుకొని పోప్ ఫ్రాన్సిస్ ఆదివారం వాటికన్ సిటీలో చేసిన ప్రసంగంలో ఉగ్రవాద బాధితుల కుటుంబాలను గురించి ప్రస్తావించారు. కొద్ది రోజుల క్రితం బెర్లిన్ మార్కెట్‌లో ఉగ్రవాదులు జరిపిన ట్రక్కు దాడిలో 12 మంది మృతిచెందిన నేపథ్యంలో ఆయన వాటికన్‌లో సంప్రదాయంగా ఇచ్చే ‘ఉర్బి ఎట్ ఒర్బి) (నగరం మరియు ప్రపంచం) సందేశంలో వేలాది మంది ప్రజలను ఉద్దేశించి ప్రసంగిస్తూ ఉగ్రవాదం వల్ల ఎందరో అసువులు బాశారని ఆవేదన వ్యక్తం చేశారు. ఉగ్రవాదులు జరిపిన కిరాతక దాడుల్లో ఆత్మీయులను, కుటుంబ సభ్యులను కోల్పోయిన వారికి శాంతి చేకూరాలని ఆయన ఆకాంక్షించారు. అలాగే ఉగ్రవాదం కారణంగా అనేక దేశాలు, నగరాలలో భయంతో నిండిన గుండెలతో బతుకులీడుస్తున్న ప్రజలకు శాంతి చేకూరాలని కోరారు. సిరియాలో యుద్ధం సమసిపోవాలని ఆయన కోరారు. ఈ యుద్ధం వల్ల ఇప్పటికే ఎంతో రక్తపాతం చిందిందని ఆయన పేర్కొన్నారు. యుద్ధాన్ని శాశ్వతంగా నిలిపివేయవలసిన సమయం ఆసన్నమయిందని, అంతర్జాతీయ సమాజం క్రియాశీలకంగా వ్యవహరించి చర్చల ద్వారా ఈ సంక్షోభానికి పరిష్కారాన్ని కనుగొనాలని ఆయన ఆకాంక్షించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.