అంతర్జాతీయం
‘రాజకీయ రాయబారుల’కు గ్రేస్ పీరియడ్ ఇవ్వం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 6: పదవి నుంచి దిగిపోతున్న అమెరికా అధ్యక్షుడు బరాక్ ఒబామా హయాంలో రాజకీయ నియామకాలలో భాగంగా నియమితులయిన రాయబారుల పదవీకాలాన్ని ప్రారంభోత్సవ దినం (ఇనాగరేషన్ డే) తరువాత పొడిగించకూడదని కొత్తగా అధ్యక్షుడిగా ఎన్నికయిన డొనాల్డ్ ట్రంప్ ట్రాన్సిషన్ టీమ్ నిర్ణయించింది. అమెరికాలో గతం నుంచీ కొనసాగుతున్న సంప్రదాయానికి భిన్నంగా రాయబారులకు ఎలాంటి అదనపు కాల పరిమితి (గ్రేస్ పీరియడ్) ఇవ్వకూడదని ట్రంప్ ట్రాన్సిషన్ టీమ్ తీసుకున్న ఈ నిర్ణయం వల్ల ప్రపంచ వ్యాప్తంగా వివిధ దేశాల్లో గల అమెరికా రాయబారుల పోస్టులు ఖాళీ కానున్నాయి. జనవరి 20న జరిగే ప్రారంభోత్సవ దినంలోపు వీరంతా ఆ పదవుల నుంచి దిగిపోవలసి ఉంటుంది. అంటే జనవరి 20 తరువాత కొన్ని నెలల పాటు ఈ రాయబారుల పదవులు ఖాళీగా ఉంటాయి. డొనాల్డ్ ట్రంప్ అధ్యక్ష బాధ్యతలు చేపట్టి కొత్త రాయబారులను నియమించే వరకు ఈ పోస్టులు ఖాళీగానే ఉంటాయి. ఒబామా రాజకీయపరంగా నియమించిన రాయబారులకు పదవీకాలం విషయంలో ఎలాంటి మినహాయింపులు ఇవ్వబోమని ట్రంప్ ట్రాన్సిషన్ టీమ్ అమెరికా విదేశాంగ శాఖకు ఇదివరకే తెలియజేసినట్లు ‘ద పొలిటికో’ ఒక వార్తాకథనాన్ని ప్రచురించింది. జనవరి 20లోగా పదవుల నుంచి వైదొలగాలని సూచిస్తూ విదేశాంగ శాఖ నిరుడు డిసెంబర్ 21నుంచే రాయబారులకు వ్యక్తిగతంగా సమాచారం పంపిస్తోందని తెలిపింది. ఈ విషయాన్ని ట్రంప్ ట్రాన్సిషన్ టీమ్‌లోని ఉన్నత స్థాయి వర్గాలు కూడా ధ్రువీకరించాయి. అయితే ఈ నిర్ణయం ప్రభావం ఎంతమంది దౌత్యవేత్తలపై పడుతుందో ఆ వర్గాలు స్పష్టంగా చెప్పలేదు. రెండు దఫాలుగా అధ్యక్ష బాధ్యతలు నిర్వహించిన ఒబామా తన పదవీకాలంలో వందలాది మందిని రాయబారులుగా నియమించారు. ఇందులో సుమారు 30 శాతం మందివి రాజకీయ నియామకాలే. సాధారణంగా వీరి నియామకానికి సెనేట్ ధ్రువీకరణ అవసరం ఉంటుంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.