అంతర్జాతీయం
‘లా లా ల్యాండ్’కు గ్లోబ్ అవార్డుల పంట
S ,7 à 8 RSCA (si SASPAS) et 6 cialis pharmacie cialis rapports de stage.
లాస్ ఏంజిలిస్, జనవరి 9: హాలీవుడ్ సినిమా ‘లా లా ల్యాండ్’ ప్రతిష్ఠాత్మక గోల్డెన్ గ్లోబ్ అవార్డుల్లో ఏకంగా ఏడు ట్రోఫీలను ఎగరేసుకు పోయింది. నామినేట్ అయిన అన్ని విభాగాల్లోనూ ట్రోఫీలను గెలుచుకోవడం ద్వారా ఈ సినిమా వచ్చేనెలలో ప్రకటించనున్న ఆస్కార్ పురస్కారాల రేసులో అగ్రభాగాన నిలిచింది. ఆదివారం రాత్రి జరిగిన పురస్కారాల ప్రదానోత్సవంలో ఈ ఏటి మేటి ప్రేమకథా చిత్రంగా ‘లా లా ల్యాండ్’ గౌరవాన్ని పొందింది. ఉత్తమ హాస్యం/సంగీతం విభాగంలో ఈ చిత్రానికి గోల్డెన్ గ్లోబ్ అవార్డులు దక్కాయి. ఈ చిత్రంలో ప్రధాన జంట ర్యాన్ గోస్లింగ్, ఎమ్మా స్టోన్ తమ ఉత్తమ నటనకు గ్లోబ్ పురస్కారాలను గెలుచుకున్నారు. స్క్రీన్‌ప్లే, దర్శకత్వం విభాగంలో డామియెన్ చాజెల్లీ గోల్డెన్ గ్లోబ్ పురస్కారాన్ని కైవసం చేసుకున్నారు. పాటల విభాగంలోనూ ఉత్తమ చిత్రంగా ‘లా లా ల్యాండ్’ నిలిచింది. ‘లా లా ల్యాండ్’ తరువాత ఎక్కువ అవార్డులను ‘మూన్‌లైట్’ గెలుచుకుంది. డ్రామా విభాగంలో ఉత్తమ చిత్రంగా ఇది నిలిచింది.
గోల్డెన్ గ్లోబ్ పురస్కారాల్లో ఈ ఏటి సెసిల్ బి డిమిల్లె అవార్డు గ్రహీత స్ట్రీప్ తన ప్రసంగంలో రాజకీయ అంశాలను ప్రస్తావిస్తూ అమెరికా అధ్యక్షుడిగా ఎన్నికయిన డొనాల్డ్ ట్రంప్‌పై విరుచుకుపడ్డారు. ఎంతో భావోద్రేకంతో మాట్లాడిన స్ట్రీప్ అందరినీ కలుపుకొని పోవాలని విజ్ఞప్తి చేశారు. ట్రంప్ బహిరంగంగా ఒక వికలాంగ రిపోర్టర్‌ను ఎగతాళి చేశారని ఆరోపించారు. ‘ఈ సంఘటన చూసిన నా హృదయం ద్రవించింది. ఇప్పటికీ దానిని మరచిపోలేక పోతున్నాను. ఎందుకంటే అది ఒక సినిమాలోని సన్నివేశం కాదు. అది నిజ జీవితంలో జరిగిన సంఘటన’ అని ఆమె అన్నారు. హాస్యం/సంగీతం విభాగంలో ఉత్తమ నటుడు అవార్డు పొందిన గోస్లింగ్ మాట్లాడుతూ తన పార్ట్‌నర్ ఎవా మెండెస్ పోషించిన పాత్రను ప్రశంసించారు.
చిత్రం..‘మూన్‌లైట్’ చిత్ర యూనిట్ సభ్యులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.