అంతర్జాతీయం
ఆఫ్గాన్ సుప్రీం కోర్టు వద్ద ఆత్మాహుతి దాడి
S ,7 à 8 RSCA (si SASPAS) et 6 cialis pharmacie cialis rapports de stage.
కాబూల్, ఫిబ్రవరి 7: ఆఫ్గనిస్తాన్ సుప్రీం కోర్టు వద్ద మంగళవారం జరిగిన ఆత్మాహుతి దాడిలో 19 మంది మరణించారు. మరో 41 మంది గాయపడ్డారు. పనివేళలు పూర్తయిన తరువాత ఇళ్లకు వెళ్లేందుకు కోర్టు సిబ్బంది ప్రాంగణంలో బస్సు ఎక్కుతున్న సమయంలో నడిచివచ్చిన ఆత్మహుతి బాంబర్ విస్ఫోటనం చెందాడు. ఈ సంఘన జరిగిన ప్రదేశానికి సమీపంలోనే అంతర్జాతీయ విమానాశ్రయం, అమెరికా ఎంబసీ కూడా ఉన్నాయని అధికారులు వెల్లడించారు. గాయపడ్డవారిలో పిల్లలు, మహిళలు కూడా ఉన్నారని తెలిపారు. ఎప్పుడైతే ఈ సంఘటన జరిగిందో ఆ ప్రాంతంలో ఒక్కసారిగా హాహాకారాలు చెలరేగాయి. కోర్టు సిబ్బంది బంధువులు ఆ ప్రాంతానికి చేరుకుని తమ వారికోసం వెతుకులాట మొదలెట్టారు. స్వల్ప వ్యవధిలోనే అంబులెన్స్‌లను, అగ్నిమాపక వాహనాలు ఆ ప్రాంతానికి తరలించారు. ఆఫ్గనిస్తాన్ నుంచి అమెరికా దళాలు వైదొలిగిన తరువాత శాంతి భద్రతల పరిస్థితి మరింతగా క్షీణించిందని చెప్పడానికి ఈ సంఘటనే నిదర్శనం. గత నెలలో పార్లమెంట్ సమీపంలోనే తాలిబన్ మిలిటెంట్లు బాంబు దాడులు జరపడం, తాజాగా జరిగిన ఆత్మాహుతి దాడి మళ్లీ మిలిటెంట్ల చేతుల్లోకి ఆఫ్గనిస్తాన్ చేరుకుంటుందా అన్న భయాందోళనలు వ్యక్తమవుతున్నాయి.
చిత్రం..అఫ్గాన్ సుప్రీం కోర్టు వద్ద జరిగిన దాడి అనంతరం అప్రమత్తమైన భద్రతా దళాలు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.