అంతర్జాతీయం
‘ట్రంప్ పర్యటన’పై బ్రిటన్ పార్లమెంటులో చర్చ
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, ఫిబ్రవరి 21: బ్రిటన్‌లో అమెరికా అధ్యక్షుడు డొనాల్డ్ ట్రంప్‌ను వ్యతిరేకిస్తున్న వేలాది మంది ఆందోళనకారులు మంగళవారం బ్రిటన్ పార్లమెంటు వెలుపల ప్రదర్శన నిర్వహించారు. బ్రిటన్ తమ దేశంలో పర్యటించాల్సిందిగా ట్రంప్‌ను ఆహ్వానించడాన్ని వ్యతిరేకిస్తూ, ఈ ఆహ్వానాన్ని ఉపసంహరించుకోవాలని డిమాండ్ చేస్తున్న ఆన్‌లైన్ పిటిషన్‌పై ఒకవైపు పార్లమెంటు లోపల ఎంపీలు చర్చిస్తుండగా, బయట వేలాది మంది ఆందోళనకారులు ట్రంప్‌కు వ్యతిరేకంగా నినాదాలు ఇచ్చారు. ఈ ఆన్‌లైన్ పిటిషన్‌పై 1.8 మిలియన్ మంది సంతకాలు చేశారు. ట్రంప్‌ను బ్రిటన్‌కు రానివ్వొద్దని పార్లమెంటు స్క్వేర్ వద్ద ఆందోళనకారులు ప్లకార్డులను ప్రదర్శించారు. అయితే బ్రిటన్.. ట్రంప్‌ను ఆహ్వానించడాన్ని సమర్థిస్తున్న మరో కౌంటర్ పిటిషన్ గురించి కూడా ఎంపీలు చర్చించారు. ఈ కౌంటర్ పిటిషన్‌పై 3లక్షల మంది ప్రజలు సంతకాలు చేశారు. ట్రంప్‌తో వైట్‌హౌస్‌లో బ్రిటన్ ప్రధానమంత్రి థెరిసా మే ఈ సంవత్సరం జనవరిలో సమావేశమయ్యారు. ట్రంప్‌తో భేటీ అయిన తొలి విదేశీ నేత ఆమెనే. ఈ సందర్భంగా ఆమె బ్రిటన్‌లో పర్యటించాల్సిందిగా ట్రంప్‌ను ఆహ్వానించారు. ఇది జరిగిన కొన్ని గంటల తరువాతే ట్రంప్ ముస్లింల జనాభా ఎక్కువగా గల ఏడు దేశాల నుంచి వలసలపై ఆంక్షలు విధించారు. కాగా, బ్రిటన్ పార్లమెంటులో జరిగిన చర్చలో లేబర్ పార్టీకి చెందిన ఎంపి డేవిడ్ లామీ మాట్లాడుతూ అమెరికాతో వాణిజ్య ఒప్పందంకోసం బ్రిటన్ తహతహలాడుతోందని, అందుకే ట్రంప్‌ను ఆహ్వానించిందని విమర్శించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.