అంతర్జాతీయం
సిరియాలో ఆత్మాహుతి దాడి
S ,7 à 8 RSCA (si SASPAS) et 6 cialis pharmacie cialis rapports de stage.
బీరుట్, ఫిబ్రవరి 25: సిరియాలో జనసమ్మర్థం కలిగిన రెండు ప్రాంతాల్లో జరిగిన ఆత్మాహుతి దాడుల్లో 42 మంది మరణించారు. మరణించినవారిలో అధ్యక్షుడు బషర్ అల్ అసద్‌కు అత్యంత సన్నిహితుడైన జనరల్ హసన్ దాబూల్ కూడా ఉన్నట్లు పోలీసులు తెలిపారు. జనరల్ హసన్ దేశంలోని టాప్ ఇంటిలిజెన్స్ అధికారి కాగా ఆయన జెనీవాలో జరిగిన శాంతి చర్చల్లోనూ పాల్గొన్నారు. కేవలం హసన్‌ను టార్గెట్‌గా చేసుకునే ఒక ఆత్మాహుతి దాడి జరిగిందని, దాడికి తామే బాధ్యులమని అల్‌ఖైదా నుంచి రూపాంతరం చెందిన ఫతే అల్ షామ్ ఫ్రంట్ ప్రకటించిందని పోలీసులు తెలిపారు. ఘౌటా-మహట్టా సరిహద్దులోని హోమ్ పట్టణంలో జరిగిన ఈ పేలుడులో దాదాపు 30 మంది చనిపోగా, 24 మంది గాయపడ్డారని ప్రావిన్స్ గవర్నర్ తలాల్ బజారి వెల్లడించారు.
దాడికి ముందు ఇంటిలిజెన్స్ అధికారులపై కాల్పులు కూడా జరిపినట్లు ఆయన తెలిపారు. ఈ దాడిలో ఐదుగురు మిలిటెంట్లు పాల్గొని ఉంటారని అనుమానిస్తున్నారు. హోమ్స్ పట్టణం తిరుగుబాటుదారుల అధీనంనుంచి 2014లో ప్రభుత్వం స్వాధీనంలోకి వచ్చింది. అప్పటినుంచీ కూడా ఇక్కడ దాడులు జరుగుతూనే ఉన్నాయి. సిరియాలో గత ఆరేళ్లుగా జరుగుతున్న అంతర్యుద్ధంలో ఇప్పటివరకు దాదాపు 3 లక్షల మంది మరణించినట్లు తెలుస్తోంది.
చిత్రం..సిరియాలో ఆత్మాహుతి దాడి జరిగిన అనంతరం ఏర్పడిన భీతావహ పరిస్థితి
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.