అంతర్జాతీయం
షాంఘై సదస్సులో మోదీ-షరీఫ్ భేటీ?
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, మే 10: షాంఘై సహకార సంఘం (ఎస్‌సిఓ)శిఖరాగ్ర భేటీ ఆసక్తికరమైన చర్చకు దారితీస్తోంది. ఈ సదస్సులో భారత ప్రధాని మోదీ, పాకిస్తాన్ ప్రధాని నవాజ్ షరీఫ్ పాల్గొనే అవకాశం ఉండటమే ఇందుకు కారణం. భారత్ ఆసక్తి కనబరిస్తే.. మోదీతో నవాజ్ షరీఫ్ సమావేశమయ్యే అవకాశంపై దృష్టి పెడతామని పాక్ దౌత్యవేత్త సర్తాజ్ అజీజ్ తెలిపారు. వచ్చే నెల్లో ఈ సమావేశం జరుగనున్న దృష్ట్యా ఇప్పటి నుంచే దీనిపై చర్చ జరపడం తొందరపాటే అయినప్పటికీ భారత్ అంగీకరిస్తే మాత్రం షరీఫ్‌తో మోదీ భేటీకి గల అవకాశాలను పరిశీలిస్తామని సర్తాజ్ తెలిపారు. కజకిస్తాన్ రాజధాని అస్తానాలో వచ్చే నెల 8-9తేదీల్లో జరుగుతున్న ఎస్‌సిఓ సమావేశంలో మోదీ-షరీఫ్ సమావేశానికి అవకాశం ఉందా అన్న ప్రశ్నకు ఆయన సానుకూలంగానే స్పందించడం గమనార్హం. అయితే భారత్ నుంచి సానుకూల స్పందన వచ్చే పక్షంలోనే ఇందుకు గల అవకాశాలను తాము పరిశీలిస్తామని స్పష్టం చేశారు. ఈ శిఖరాగ్ర భేటీలోనే భారత్-పాక్‌లను ఆరు దేశాల ఎస్‌సిఓలో చేర్చుకునే అవకాశం కూడా ఉంది. ఇటీవల భారత సైనికుడి తలను పాక్ సైనికులు నరికిన సంఘటన నేపథ్యంలో ఇరు దేశాల మధ్య ఉద్రిక్తతలు మరింతగా పెరిగాయి. అలాగే కుల్‌భూషణ్ జాదవ్‌కు పాక్ మరణ శిక్ష విధించడమూ ఈ ఉద్రిక్తతలకు మరింతగా ఆజ్యం పోసింది. బీజింగ్ ప్రధాన కేంద్రంగా చైనా సారధ్యంలో ఎస్‌సిఓ పనిచేస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.