అంతర్జాతీయం
ఉత్తరకొరియాపై మరిన్ని ఆంక్షలు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మే 14: ఉత్తరకొరియా తాజాగా జరిపిన బాలెస్టిక్ క్షిపణి ప్రయోగాన్ని రెచ్చగొట్టే చర్యగా అమెరికా అభివర్ణించింది. ఉత్తరకొరియా దూకుడు అరికట్టేందుకు బలమైన ఆంక్షలను విధించాల్సిన అవసరం ఎంతైనా ఉందని ప్రపంచ దేశాలకు పిలుపునిచ్చింది. ఇప్పటివరకు విధించిన ఆంక్షలన్నింటి కూడా మరిన్ని కఠినతరమైన చర్యలను చేపట్టాల్సి అవసరం ఎంతైనా ఉందన్న విషయాన్ని ఉత్తరకొరియా తాజా చర్య స్పష్టం చేస్తోందని వైట్‌హౌస్ అధికారి సీన్‌స్పైసర్ ఓ ప్రకటనలో తెలిపారు. ఉత్తర కొరియా తాజా జరిపిన క్షిపణి పరీక్షను అమెరికా ఫసిపిక్ కమాండ్ హవాయ్ కాలమానం ప్రకారం ఉదయం పదిన్నరకు గుర్తించింది. కుసుంగ్ ప్రాంతం సమీపం నుంచి జరిపిన ఈ క్షిపణి పరీక్ష అనంతరం జపాన్ సముద్రంలో పడింది. ఏ రకమైన క్షిపణిని ఉత్తరకొరియా ప్రయోగించిందన్నదానిపై పరిశీలన జరుపుతున్నామని అమెరికా తెలిపింది. దీన్ని ఖండాంతర క్షిపణి అనడానికి ఎలాంటి ఆధారాలు కూడా లేవని వెల్లడించింది. ఖండాంతర క్షిపణికి ఉండాల్సిన లక్షణాలు ఈ తాజా క్షిపణికి లేవని అమెరికా ఫసిపిక్ కమాండ్ స్పష్టం చేసింది. అయతే ఈ క్షిపణి జపాన్ కంటే కూడా రష్యాకు చేరువుగానే పడిందని వెల్లడించింది. ఉత్తరకొరియా చర్యను రష్యా హర్షించే అవకాశం లేదని తమ అధ్యక్షుడు డోనాల్డ్ ట్రంప్ అభిప్రాయపడుతున్నట్టుగా వైట్‌హౌస్ అధికారి వ్యాఖ్యానించారు. దీర్ఘకాలంగా ఉత్తరకొరియా ప్రపంచ శాంతికే ఓ సవాల్‌గా మారిందని పేర్కొన్న ఆయన ఈ దేశ నాయకత్వ చేష్టలను ఇటు జపాన్, అటు దక్షిణ కొరియాలు ఎప్పటికప్పుడు గమనిస్తున్నాయని అన్నారు. ఎట్టి పరిస్థితుల్లోనూ ఉత్తరకొరియాను ఉపేక్షించబోమని, తమ మిత్ర దేశాలను అన్ని విధాలా ఆదుకుంటామని స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.