అంతర్జాతీయం
ఫలించిన నిరీక్షణ
S ,7 à 8 RSCA (si SASPAS) et 6 cialis pharmacie cialis rapports de stage.
ఆస్తానా, జూన్ 9:నాటో కూటమిటి సరిసమానమైన ఉజ్జీగా భావిస్తున్న షాంఘై సహకార సంస్థ (ఎస్‌సిఓ)లో సుదీర్ఘ నిరీక్షణ తర్వాత భారత్,పాక్‌లకు పూర్తిస్థాయి సభ్యత్వం లభించింది. భారత్ అభ్యర్థిత్వాన్ని రష్యా, పాకిస్తాన్ అభ్యర్థిత్వాన్ని చైనా బలపరిచాయి. గత రెండు సంవత్సరాలుగా ఎదురుచూసిన ఈ లక్ష్యం ఇరు దేశాలకు నెరవేరినట్టయింది. చైనా సారధ్యంలోని ఎస్‌సిఓ సభ్యదేశాలు దాదాపు 40శాతానికి పైగా ప్రపంచ జనాభాను, 20శాతానికి పైగా ప్రపంచ జీడిపిని కలిగి ఉన్నాయి. ఇప్పుడు ఎస్‌సిఓ సభ్యత్వం లభించడంతో ఉగ్రవాద నిరోధానికి సంబంధించి భారత్ మరింత గట్టిగా తన వాదనను వినిపించే అవకాశం ఉంటుంది. భారత్-పాకిస్తాన్‌లు తమ కూటమిలో పూర్తి స్థాయి సభ్యత్వం పొందాయని, ఇది తమకు ఎంతో కీలకమైన అంశమని ఎస్‌సిఓ ప్రస్తుత చైర్మన్, కజకిస్థాన్ అధ్యక్షుడైన నుర్‌సుల్తాన్ నజర్‌బాయేవ్ అన్నారు. ఎస్‌సిఓ సభ్యత్వం వల్ల భారత్‌కు అనేక విధాలుగా ప్రయోజనం ఉంటుంది. మధ్య ఆసియా ప్రాంతంలోనూ, ఎస్‌సిఓ దేశాల్లో నూ అపారంగా చమురు, వాయు నిక్షేపాలు ఉన్నా యి కాబట్టి తన అవసరాలను గణనీయంగా తీర్చుకోగలుగుతుంది. 2015లోనే భారత్‌కు పూర్తిస్థాయి సభ్యత్వాన్ని కల్పించే ప్రయత్నాలకు ఎస్‌సిఓ శ్రీకారం చుట్టింది. రష్యాలో జరిగిన ఆ శిఖరాగ్ర సదస్సులోనే పాకిస్తాన్‌కూ సభ్యత్వం కల్పించేందుకు పాలనాపరమైన అవరోధాలనూ తొలగించారు. 2001లో రష్యా, చైనా, ఖర్ఘిజ్, కజకిస్తాన్, తజికిస్తాన్, ఉజ్బెకిస్తాన్ అధ్యక్షులతో జరిగిన శిఖరాగ్ర సదస్సులో షాంఘై కూటమి ఏర్పడింది.
చిత్రం.. ఎస్‌సిఓ శిఖరాగ్ర సదస్సు సందర్భంగా రష్యా అధ్యక్షుడు పుతిన్‌కు భారత ప్రధాని నరేంద్ర మోదీ పలకరింపు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.