అంతర్జాతీయం
ఆ ముగ్గురు ‘మొనగాళ్ల’ సంతానం 96!
S ,7 à 8 RSCA (si SASPAS) et 6 cialis pharmacie cialis rapports de stage.
బన్ను (పాకిస్తాన్), జూన్ 10: పాకిస్తాన్‌లో ముగ్గురు ‘మొనగాళ్లు’. దాదాపు 100 మంది పిల్లలకు వారు తండ్రులు. అయినా సంతాన కాంక్ష ఏమాత్రం తగ్గని వారు ‘ఒకరు లేదా ఇద్దరు చాలు’ అన్న నానుడిని పక్కన పెట్టి తమ ‘పటిమ’ను ఇంకా నిరూపించుకుంటున్నారు. తద్వారా పాక్ జనాభా ఇతోధికంగా పెరగడంలో తమవంతు ‘సేవ’లను కొనసాగిస్తున్నారు. పాకిస్తాన్‌లో 19 ఏళ్ల తర్వాత తొలిసారి జరుపుతున్న జనగణనలో ఈ విషయం వెల్లడవడంతో అధికారులు విస్తుపోతున్నారు. దేశంలో జనాభా రోజు రోజుకూ గణనీయంగా పెరుగుతుండటంతో ఆర్థిక ఫలాలను, సామాజిక సేవలను అందరికీ అందించడం సాధ్యమవడం లేదని వాపోతూ అధికారులు చేస్తున్న హెచ్చరికలను ఈ ముగ్గురు ‘పురుష పుంగవులు’ ఏమాత్రం పట్టించుకోవడం లేదు. ‘ఈ మొత్తం విశ్వాన్ని, మానవాళిని సృష్టించింది దేవుడు. ఆయన వరప్రసాదమైన పిల్లలకు జన్మనివ్వకుండా ఎందుకు ఆపాలి?’ అంటూ ఇప్పటికే 36 మందికి జన్మనిచ్చిన గుల్జార్ ఖాన్ (57) ఎదురు ప్రశ్నిస్తున్నాడు. 15 మంది తోబుట్టువుల్లో ఒకడైన గుల్జార్ ఖాన్ ముగ్గురు మహిళలకు భర్త. ప్రస్తుతం అతను పాక్ వాయువ్య గిరిజన ప్రాంతంలోని బన్ను నగరంలో నివసిస్తున్నాడు. అలాగే గుల్జార్ సోదరుల్లో ఒకడైన మస్తాన్ ఖాన్ వజీర్ (70) ప్రస్తుతం 22 మంది పిల్లలకు తండ్రి. గుల్జార్‌కు మాదిరిగా ముగ్గురు మహిళలకు భర్త అయిన వజీర్ తన మనవలు, మనువరాండ్ర సంఖ్య అయితే లెక్కించడమే కష్టమని చెబుతున్నాడు. బలూచిస్తాన్‌లోని క్వెట్టా నగరంలో నివసిస్తున్న జాన్ మొహమ్మద్ అనే మరో ప్రబుద్ధుడు ఇప్పటివరకూ నలుగురు భార్యల ద్వారా 38 మంది పిల్లలకు జన్మనిచ్చి తన ‘సత్తా’ చాటుకున్నాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.