అంతర్జాతీయం
భారత్‌కు అత్యాధునిక బోయింగ్
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 29: సరకులు/మానవ (ఎయిర్ లిఫ్ట్) రవాణా చేసే అత్యాధునిక భారీ విమానం బోయింగ్ సి-17 జెట్‌ను భారత్‌కు విక్రయించేందుకు అమెరికా రక్షణ సంస్థ పెంటగాన్ ఆమోదం తెలిపింది. ఈ మేరకు పెంటగాన్ అమెరికా కాంగ్రెస్‌కు తన నిర్ణయాన్ని తెలియజేసింది. సరకులను మాత్రమే కాకుండా విపత్తు సమయాల్లో ప్రజలను కూడా పెద్దఎత్తున సురక్షిత ప్రాంతాలకు తరలించడానికి సి-17లో ఎన్నో ఆధునిక సౌకర్యాలున్నాయి. మిసైల్ హెచ్చరిక వ్యవస్థతోపాటు శత్రువులను పసిగట్టే అత్యాధునిక సాంకేతిక పరికరాలు ఈ విమానంలో ఉన్నాయి. దీని ఖరీదు దాదాపు 366.2 మిలియన్ అమెరికా డాలర్లుగా పెంటగాన్ పేర్కొంది. ప్రకృతి సిద్ధ ప్రమాదాలు సంభవించే అవకాశాలున్న జోన్‌లో భారత్ ఉందని, భవిష్యత్తులో ఏవైనా ప్రకృతి ప్రళయాలు సంభవిస్తే ఈ అత్యాధునిక సి-17 విమానం సేవలు ఎంతగానో ఉపకరిస్తాయని తెలిపింది. పెద్దఎత్తున సైనికులను ఒక ప్రాంతం నుంచి మరొక ప్రాంతానికి కూడా సి-17లో తరలించవచ్చని పేర్కొంది. సైనిక అవసరాలకే కాకుండా మానవతా దృక్పథంతో విపత్తు సమయాల్లో పెద్దఎత్తున పౌరులను తరలించడానికి వీలుకలుగుతుంది. ఈ విమానం 170,900 పౌండ్ల బరువుగల సరుకును రవాణా చేయగలుగుతుందని తెలిపింది. ఎటువంటి పరిస్థితుల్లోనైనా కేవలం ముగ్గురు సిబ్బంది (పైలట్, కో-పైలట్, ఒక సిబ్బంది)తో ఈ విమానాన్ని నడపవచ్చని పేర్కొంది. భారత్ ఇప్పటికే సి-17 విమానాలను నడుపుతోందని, ఈ కొత్త విమానాన్ని ఉపయోగించడంలో ఆ దేశానికి ఎటువంటి సాంకేతిక ఇబ్బందులు ఉండబోవని తెలిపింది. సరకు రవాణాలో బోయింగ్ సి-17ఎ గ్లోబ్‌మాస్టర్-3 శ్రేణి విమానం ప్రపంచంలోనే అత్యాధునికమైంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.