అంతర్జాతీయం
ట్రంప్‌పై అభిశంసన?
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూలై 13: అమెరికా అధ్యక్షుడు డోనాల్డ్ ట్రంప్‌పై డెమోక్రటిక్ పార్టీకి చెందిన సభ్యుడు బ్రాడ్ షెర్‌మాన్ అభిశంసన తీర్మానాన్ని ప్రేవేశపెట్టే ప్రక్రియను ప్రారంభించారు. ఇందుకు సంబంధించి తొలి అడుగు వేశారు. అమెరికా అధ్యక్ష ఎన్నికల్లో రష్యా జోక్యంపై జరుగుతున్న విచారణకు భంగం కలిగించే రీతిలో ట్రంప్ వ్యవహరిస్తున్నారన్న అభియోగంపై కాలిఫోర్నియాకు ప్రాతినిధ్యం వహిస్తున్న షెర్‌మాన్ ఈ తీర్మానం ప్రవేశపెట్టనున్నారు. డెమోక్రటిక్ పార్టీకి చెందిన మరో సభ్యుడు అల్ గ్రీన్ ఈ తీర్మాన ప్రతిపై సంతకం చేశారు. జాతీయ భద్రతా సలహాదారు మైకేల్ ఫ్లిన్ నేతృత్వంలో ఎన్నికల్లో రష్యా జోక్యంపై చేస్తున్న విచారణకు అంతరాయం కలిగించేలా ట్రంప్ వ్యవహరించారని షెర్‌మాన్ ఆరోపించారు. ఫెడరల్ బ్యూరో ఆఫ్ ఇన్‌వెస్టిగేషన్ (ఎఫ్‌బిఐ) డైరెక్టర్ జేమ్స్ కామేను బాధ్యతల నుంచి తొలగించడం చట్టపరంగా సాగుతున్న విచారణకు అడ్డుతగలడమే అవుతుందని ఆయన అన్నారు. అధ్యక్ష పదివి ఔన్నత్యాన్ని దిగజార్చే విధంగా ప్రవరించడం, భావోద్వేగాలపై నియంత్రణ లేని ట్రంప్ వ్యవహార శైలి దేశ ప్రజలను దిగ్భ్రాంతికి గురిచేస్తోందని ఆయన విమర్శించారు. అయితే కేవలం కుటిల రాజకీయంతో ట్రంప్‌పై అభిశంసన తీర్మానాన్ని ప్రవేశపెట్టారని శే్వత సౌధ అధికార ప్రతినిధి సరా హుకాబీ శాండర్స్ పేర్కొన్నారు.
ఇలావుండగా, అమెరికా అధ్యక్ష ఎన్నికల్లో హిల్లరీ క్లింటన్ విజయం సాధించి ఉంటే రష్యా అధ్యక్షుడు పుతిన్ చాలా సంతోషించేవారని డోనాల్డ్ ట్రంప్ పేర్కొన్నారు. ఎందుకంటే హిల్లరీ అధ్యక్షురాలైతే దేశం బలహీనపడిపోయేదని, పుతిన్‌కు కావాల్సింది కూడా అదేనని ఆయన అన్నారు. క్రిస్టియన్ బ్రాడ్‌కాస్టింగ్ నెట్‌వర్క్‌కు ఇచ్చిన ఇంటర్వ్యూలో ట్రంప్ ఈ విధంగా పేర్కొన్నారు. హిల్లరీ విజయం సాధించి ఉంటే సైనిక బలం బాగా తగ్గిపోయేదని అందుకే పుతిన్ క్లింటన్ గెలవాలని కోరుకున్నారని ట్రంప్ అన్నారు. పుతిన్ కోరుకుంటున్న విధానాలకు తాను పూర్తి విరుద్ధమని అన్నారు. సిబిఎన్‌కు ఇచ్చిన ఇంటర్వ్యూ పూర్తి పాఠం ఇంకా ఆ చానల్ టెలికాస్ట్ చేయలేదు.
చిత్రం.. మేరీలాండ్ నుంచి ప్యారిస్‌కు బయలుదేరిన ట్రంప్, ఆయన భార్య మెలానియా
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.