అంతర్జాతీయం
చర్చించుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూలై 22: డోక్లామ్‌లో సైనిక ప్రతిష్ఠంభన విషయమై నెలకొన్న ఉద్రిక్తతలను తగ్గించుకునేందుకు భారత్, చైనా నేరుగా చర్చలు జరపాలని అమెరికా సూచించింది. టిబెట్ దక్షిణాదిలోని ఈ వివాదాస్పద ప్రాంతంలో రోడ్డును నిర్మిస్తున్న చైనా సైనిక బలగాలను భారత దళాలు అడ్డుకోవడంతో గత నెల రోజుల నుంచి ఇరు పక్షాల మధ్య ప్రతిష్ఠంభన కొనసాగుతున్న విషయం తెలిసిందే. కాగా, ఇది తమ ప్రాంతమని భారత మిత్రదేశమైన భూటాన్ కూడా వాదిస్తోంది. ఈ నేపథ్యంలో ఉద్రిక్తతలను తగ్గించుకుని, సమస్యను సామరస్యంగా పరిష్కరించుకునేందుకు నేరుగా చర్చలు జరపాల్సిందిగా భారత్, చైనాకు సూచిస్తున్నామని పెంటగాన్ (అమెరికా రక్షణ శాఖ ప్రధాన కార్యాలయ) అధికార ప్రతినిధి గ్రే రాస్ పిటిఐ వార్తా సంస్థకు తెలిపారు. ప్రస్తుతం భారత్, చైనా మధ్య నెలకొన్న ఉద్రిక్తతలు మరింత తీవ్రరూపం దాల్చే అవకాశం ఉందని అమెరికా ఆందోళన చెందుతోందా? అని ప్రశ్నించగా, దీనిపై మరింత సమాచారంకోసం భారత్, చైనా ప్రభుత్వాలనే సంప్రదించాలని, అంతేతప్ప ఇటువంటి అంశాలపై తాము ఊహాగానాలు చేయలేమని స్పష్టం చేశారు.
భారత్, చైనాకు గత వారం అమెరికా విదేశాంగ శాఖ కూడా ఇదేవిధమైన సూచనలు చేసింది. సరిహద్దు సమస్యలను పరిష్కరించుకునే విషయంలో చైనా గత కొన్ని సంవత్సరాల నుంచి దుందుడుకు చర్యలకు పాల్పడుతోందని, డోక్లామ్‌లో ఏర్పడిన సైనిక ప్రతిష్ఠంభన కూడా ఆ ప్రాంతంలో యథాతథ పరిస్థితిని మార్చేందుకు చైనా వేస్తున్న ఎత్తుగడల్లో భాగంగానే కనిపిస్తోందని దాదాపు అన్ని ఇరుగు పొరుగు దేశాలు నిందిస్తున్నాయి. దీంతో చైనా ఏకపక్ష వైఖరికి వ్యతిరేకంగా భారత్ కఠిన నిర్ణయం తీసుకోవాల్సి వచ్చింది. బ్రిక్స్ (బ్రెజిల్, రష్యా, భారత్, చైనా, దక్షిణాఫ్రికా) దేశాల జాతీయ భద్రతా సలహాదారుల సమావేశంలో పాల్గొనేందుకు వచ్చేవారం బీజింగ్‌కు వెళ్లనున్న మన జాతీయ భద్రతా సలహాదారు అజిత్ దోవల్ ఈ ప్రతిష్ఠంభన గురించి చైనా జాతీయ భద్రతా సలహాదారు యాంగ్ జియెచీతో చర్చించే అవకాశం ఉంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.