అంతర్జాతీయం
తిరుగులేని సత్తా మాది
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూలై 30: తమపై దాడిచేసే శత్రు సేనలన్నింటినీ తిప్పికొట్టగలిగే ఆత్మవిశ్వాసం, సామర్థ్యం పీపుల్స్ లిబరేషన్ ఆర్మీకి (పిఎల్‌ఏ) ఉన్నాయని చైనా అధ్యక్షుడు జీ జిన్‌పింగ్ ఆదివారం నాడిక్కడ ఉద్ఘాటించారు. పిఎల్‌ఏ ఆవిర్భవించి 90 సంవత్సరాలు పూర్తయిన సందర్భంగా జరిగిన భారీ సైనిక కవాతులో ఆయన గౌరవ వందనం స్వీకరించారు. చైనా కమ్యూనిస్టు పార్టీ తిరుగులేని నాయకత్వం కిందే పిఎల్‌ఏ పనిచేయాలని, పార్టీ ఎలాంటి ఆదేశాలు జారీచేసినా వాటిని త్రికరణశుద్ధిగా అనుసరించాలని జిన్‌పింగ్ పిలుపునిచ్చారు. తమపై దాడిచేసే శత్రుసేనలన్నింటినీ 23లక్షల మంది సైనికులతో కూడిన పిఎల్‌ఏ తిరుగులేని రీతిలో తిప్పికొట్టగలుగుతుందన్న ధీమాను ఆయన ఈ సందర్భంగా వ్యక్తం చేశారు. పిఎల్‌ఏపై పూర్తిస్థాయి ఆధిపత్యం కలిగిన కేంద్ర మిలిటరీ కమిషన్‌కు సారథ్యం వహిస్తున్న జిన్‌పింగ్ తమ సైన్యం ప్రపంచంలోని అతిపెద్దదని ఉద్ఘాటించారు. భారత్, చైనా సైన్యాల మధ్య తలెత్తిన డోక్లామ్ వివాదాన్ని ఆయన తన ప్రసంగంలో ప్రస్తావించకపోయినా, ఇరు దేశాల మధ్య కొనసాగుతున్న ఉద్రిక్తతలకు ఇది అద్దం పట్టింది. డోక్లామ్‌పై రెండు దేశాల విదేశాంగ, రక్షణ మంత్రిత్వ శాఖలు పరస్పరం దుమ్మెత్తి పోసుకుంటున్న విషయం తెలిసిందే. దేశ ప్రయోజనాలను పరిరక్షించుకోవడంతోపాటు జాతీయ సార్వభౌమత్వాన్ని, భద్రతను కాపాడుకోకలిగే తిరుగులేని శక్తి చైనా ఆర్మీ సొంతమని జిన్‌పింగ్ తన ప్రసంగంలో స్పష్టం చేశారు. ప్రపంచ శాంతి పరిరక్షణతోపాటు ఒకే చైనా లక్ష్యాన్ని సాధించడానికి కూడా తమ సైన్యం దోహదపడగలదన్న ఆశాభావాన్ని తమ పది నిమిషాల ప్రసంగంలో వ్యక్తం చేశారు. మంగోలియా జూరిహిలోని అతిపెద్ద సైనిక స్థావరంలో ఈ ప్రదర్శన జరిగింది. ఈ సందర్భంగా చైనా సైన్యంలోని వివిధ దళాలు తమ శక్తియుక్తులను ప్రదర్శించాయి.
దీర్ఘశ్రేణి అణు సాంప్రదాయక క్షిపణులను, కొత్తగా సమకూర్చుకున్న జె-15 యుద్ధవిమానంతోనూ చైనా ఈ సందర్భంగా విన్యాసాలు చేసింది. చైనా సైన్యం ఎప్పటికప్పుడు యుద్ధ తంత్రానికి పదును పెట్టుకోవాలని, జాతీయ రక్షణ విషయంలో ఆధునికతను సంతరించకుకోవాలని జీ తన ప్రసంగంలో పిలుపునిచ్చారు. ప్రపంచంలో రెండో అతిపెద్ద సైనిక బడ్జెట్ కలిగిన దేశం చైనాయేనని తెలిపారు. దేశ రక్షణకోసం 152 బిలియన్ డాలర్లను కేటాయిస్తున్నామన్నారు. 1927 ఆగస్టు 1న మావో నాయకత్వంలో చైనా పాలన సాగుతున్న తరుణంలో పిఎల్‌ఏ ఆవిర్భవించింది. అప్పట్లో కమ్యూనిస్ట్ పార్టీ ఆఫ్ చైనాకు సారథ్యం వహిస్తున్న మావో జాతీయ విమోచన ఉద్యమానికి నాయకత్వం వహించారు. అప్పటినుంచి ఇప్పటివరకు కమ్యూనిస్టు పార్టీ నాయకత్వంలోనే చైనా సైన్యం పనిచేస్తోంది. దీనిపై చైనా ప్రభుత్వ పెత్తనం ఎంతమాత్రం ఉండకపోవడం ప్రత్యేకతగా చెప్పుకోవచ్చు.
చిత్రాలు.. పీపుల్స్ లిబరేషన్ ఆర్మీ వార్షికోత్సవంలో ప్రసంగిస్తున్న * జిన్‌పింగ్. సైనిక దళాల ప్రదర్శన
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.