అంతర్జాతీయం
రేపు పాక్ కొత్త ప్రధాని ఎన్నిక
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 30: పదవీ చ్యుతుడైన నవాజ్ షరీఫ్ స్థానంలో కొత్త ప్రధాన మంత్రిని పాకిస్తాన్ పార్లమెంటు మంగళవారం ఎన్నుకోనుంది. పనామా పత్రాల కుంభకోణంలో నవాజ్ షరీఫ్, ఆయన కుటుంబ సభ్యులపై దాఖలయిన కేసుల్లో సుప్రీంకోర్టు శుక్రవారం ఆయనను అనర్హుడిగా ప్రకటించిన విషయం తెలిసిందే. కొత్త సభా నాయకుడ్ని ఎన్నుకోవడం కోసం మంగళవారం మధ్యాహ్నం 3 గంటలకు జాతీయ అసెంబ్లీ సమావేశాన్ని ఏర్పాటు చేయాలని పాకిస్తాన్ అధ్యక్షుడు మమ్నూన్ హుస్సేన్ ఆదేశించారు. మరో వైపు జాతీయ అసెంబ్లీ సెక్రటేరియట్ కొత్త ప్రధాన మంత్రి ఎన్నికకు సంబంధించిన షెడ్యూల్‌ను విడుదల చేసింది. దాని ప్రకారం శుక్రవారం మధ్యాహ్నం 3 గంటలనుంచి సోమవారం మధ్యాహ్నం 2 గంటల వరకు జాతీయ అసెంబ్లీ సెక్రటరీ కార్యాలయం నామినేషన్ పత్రాలను స్వీకరిస్తుంది. అదే రోజు మధ్యాహ్నం 3 గంటలకు జాతీయ అసెంబ్లీ స్పీకర్ నామినేషన్ పత్రాలను పరిశీలించి తుది అభ్యర్థుల జాబితాను ప్రకటిస్తారు.
పాకిస్తాన్ ముస్లింలీగ్- నవాజ్ పార్టీ (పిఎంఎల్-ఎన్) ప్రస్తుతానికి షాహిద్ ఖకన్ అబ్బాసీని ప్రధానమంత్రిగా నామినేట్ చేసింది. అయితే ఆ తర్వాత నవాజ్ షరీఫ్ సోదరుడు షఎహబాజ్ షరీఫ్ ప్రధాని కావడం కోసం ఆయన తప్పుకొంటారు. గతంలో కూడా పాకిస్తాన్‌లో ఇలాంటి తాత్కాలిక ఏర్పాట్లు జరిగాయి. సైనిక పాలకుడు జనరల్ పర్వేజ్ ముషారఫ్ హయాంలో ముషారఫ్ నామినేట్ చేసిన షౌకత్ అజీజ్ అధికార పిఎంఎల్‌క్యు పార్టీనుంచి ఎన్నికయ్యే వరకు చౌధరి షుజాత్ హుస్సేన్‌ను తాత్కాలిక ప్రధానిగా నియమించారు. కాగా, మిగతా చిన్న పార్టీల సాయంతో ఉమ్మడి ప్రతిపక్ష అభ్యర్థిని నిలబెట్టడం కోసం ప్రధాన ప్రతిపక్షాలయిన ఆసిఫ్ అలీ జర్దారీకి చెందిన పాకిస్తాన్ పీపుల్స్ పార్టీ (పిపిపి), ఇమ్రాన్‌ఖాన్‌కు చెందిన పాకిస్తాన్ తెహ్రీక్-ఇ-ఇన్సాఫ్ (పిటిఐ) చర్చలు జరుపుతున్నాయి.
పంజాబ్ సిఎంగా హెహబాజ్ కుమారుడు
నవాజ్ షరీఫ్ స్థానంలో కొత్త ప్రధానిగా నియమితుడు కానున్న ప్రస్తుత పంజాబ్ ముఖ్యమంత్రి షఎహబాజ్ షరీఫ్ తన వారసుడిగా కుమారుడు హమ్జా షాబాజ్‌ను నియమించాలని అనుకుంటున్నట్లు మీడియా కథనాలు పేర్కొన్నాయి. అయితే దేశంలో రెండవ అతిపెద్ద రాష్టమ్రైన పంజాబ్ పగ్గాలు ఎవరు చేపట్టాలనే దానిపై తుది నిర్ణయం నవాజ్ షరీఫ్‌దేనని కూడా అంటున్నారు. ముఖ్యంగా ఎన్నికలు మరో ఏడాదిలో జరుగనున్న తరుణంలో కీలక రాష్టమ్రైన పంజాబ్ రాష్ట్రంపై పట్టును కోల్పోవడానికి అధికార పిఎంఎల్-ఎన్ ఎట్టి పరిస్థితుల్లోను ఇష్టపడదని ఆ పార్టీ సీనియర్ నాయకుడొకరు చెప్పినట్లు ‘డాన్ న్యూస్’ పత్రిక పేర్కొంది. పంజాబ్‌లో మిగతా పదవీ కాలానికి ఇప్పటికే ఉప ముఖ్యమంత్రిగా ఉంటున్న తన కుమారుడ్ని తన వారసుడిగా నియమించాలని షెహబాజ్ కోరుకుంటున్నారని, అయితే ముఖ్యమంత్రి పదవికి హమ్జా సరయిన అభ్యర్థా, కాదా అనేది నిర్ణయించేది నవాజ్ షరీఫేనని పేరు వెల్లడించడానికి ఇష్టపడని ఆ నాయకుడు చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.