అంతర్జాతీయం
అమెరికా కాస్కో..
S ,7 à 8 RSCA (si SASPAS) et 6 cialis pharmacie cialis rapports de stage.
మనీలా, ఆగస్టు 7: తమ అణు కార్యక్రమానికి సంబంధించి ఎలాంటి చర్చలూ జరిపే ప్రసక్తి లేదని ఉత్తర కొరియా తెగేసి చెప్పింది. ఐక్య రాజ్య సమితి విస్తృతస్థాయిలో ఆంక్షలు విధించిన నేపథ్యంలో మరింతగా రెచ్చిపోయిన ఉత్తర కొరియా అమెరికాకు గట్టిగా బుద్ధిచెబుతామని హెచ్చరిక స్వరాన్ని వినిపించింది. తమవద్దనున్న వ్యూహాత్మక అణుశక్తిని ఉపయోగిస్తామని, అమెరికా తమపై సైనిక చర్యకు దిగితే అదే స్థాయిలో ప్రతిఘటిస్తామని స్పష్టం చేసింది. ఎట్టి పరిస్థితుల్లోనూ అణు కార్యక్రమాన్నిగాని, క్షిపణి కార్యక్రమాన్నిగాన చర్చలకు పెట్టే ప్రసక్తే లేదని సోమవారం విడుదల చేసిన ఒక ప్రకటనలో తెలిపింది. ఉత్తర కొరియా విదేశాంగ మంత్రి రి యోంగ్ -హో ఈమేరకు ఒక ప్రకటన విడుదల చేశారు. మనీలాలో దీన్ని మీడియాకు పంచారు. కల్పిత ఆరోపణల ఆధారంగానే ఐక్య రాజ్య సమితి తమపై ఆంక్షలు విధించిందని ఆ ప్రకటనలో ఉత్తర కొరియా పేర్కొంది. తదుపరి చర్యలు చాలా తీవ్రంగానే ఉంటాయని, న్యాయం కోసం పోరాడతామనీ తెలిపింది. ఈ ఆంక్షలను బ్టి చూస్తే ఐక్య రాజ్య సమితి తన అధికారాన్ని దుర్వినియోగం చేసిందన్న అభిప్రాయం కలుగుతోందనీ వ్యాఖ్యానించింది. గత నెలలో తాము జరిపిన ఖండాంతర బాలిస్టిక్ క్షిపణి పరీక్షలు విజయవంతం కావడం అన్నది మొత్తం అమెరికా సంయుక్త రాష్ట్రాలే తమ లక్ష్య పరిధిలోకి వచ్చినట్టు అయ్యిందని స్పష్టం చేసింది. ఈ క్షిపణులన్నీ కూడా తాము న్యాయబద్ధంగా ఆత్మరక్షణ కోసమే రూపొందించుకున్నవేనని కూడా వెల్లడించింది. ఈ ఆంక్షలను తమ సార్వభౌమత్వాన్ని అత్యంత దారుణంగా ఉల్లంఘించడంగా పేర్కొన్న ఉత్తర కొరియా ‘ఎట్టి పరిస్థితుల్లోనూ మా అణుశక్తిని బలోపేతం చేసేకునే విషయంలో వెనకడుగు వేసే ప్రసక్తే లేదు’ అని కూడా తన ప్రకటనలో ఉద్ఘాటించింది. అయి తే, ఉత్తర కొరియాపై విధించిన ఆంక్షలను ఇప్పటి వరకూ దాన్ని వెనకేసుకుంటూ వచ్చిన చైనా, రష్యాలూ బలపర్చడం ఈనేపథ్యంలో అత్యంత కీలక పరిణామం. గత నెలలో రెండు ఖండాంతర క్షిపణులను ఉత్తర కొరియా విజయవంతంగా పరీక్షించినప్పటి నుంచీ దాని ఆలోచనలపై అమెరికా సహా అనేక దేశాల్లో ఎనలేని ఆందోళన మొదలైంది. ఒకదాని తరువాత ఒకటిగా ఉత్తర కొరియా ఈ పరీక్షలు జరపడం పొరుగున ఉన్న దక్షిణ కొరియాలోనూ కలవరానే్న రేపింది. తాజా ఆంక్షల ప్యాకేజీని రూపొందించిన అమెరికాపై గతంలో ఎన్నడూలేని రీతిలో ఈ తాజా ప్రకటనలో రెచ్చిపోయిన ఉత్తర కొరియా ‘మీరు చేసిన నేరానికి వెయ్యి రెట్లు మూల్యం చెల్లించుకుంటారు’ అని హెచ్చరించింది. తాము ఉత్తర కొరియాకు చాలా దూరంగా ఉన్నామని, తమ భూభాగం సముద్రంలో ఉందని అమెరికా ధీమాగా ఉండవచ్చునేమోనని పేర్కొన్న ఉత్తర కొరియా, ఇంతకుమించిన తప్పుడు అంచనా మరొకటి ఉండదని కూడా హెచ్చరించింది. ఈ తీర్మానాన్ని బలపర్చిన ఇతర దేశాలు కూడా తమ తప్పిదాలకు బాధ్యత వహించాల్సి ఉంటుందని స్పష్టం చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.