మంచి మాట
శ్రద్ధ
S ,7 à 8 RSCA (si SASPAS) et 6 cialis pharmacie cialis rapports de stage.
‘శ్రద్ధావాన్ లభతే జ్ఞానం’- శ్రద్ధావంతుడు జ్ఞానాన్ని సంపాదిస్తాడు. ‘శ్రద్ధ’ అంటే ఆస్తికబుద్ధి అన్నాడు శంకరాచార్యులవారు. భగవద్గీతలో శ్రద్ధ అనే పదానికి మూడు అర్థాలు చెప్పబడుతున్నాయి. అవి విశ్వాసం, నమ్మకం, గౌరవం. ఈ మూడు ఒక్కటై ఎవని మనసులో ఉండునో అతడే శ్రద్ధావంతుడు. జ్ఞానాన్ని సంపాదించాలన్న జిజ్ఞాస గలవానిని కూడా శ్రద్ధాళువు అనవచ్చు.
వ్యక్తి శ్రద్ధను అనుసరించి అతని వ్యక్తిత్వం ఉంటుంది. ఒక్క మాటలో చెప్పాలంటే శ్రద్ధను సకారాత్మక మనస్తత్వం అని చెప్పవచ్చు. శ్రద్ధ మన దృష్టిననుసరించి వుంటుంది.
ఒకసారి శ్రీకృష్ణుడు అర్జునితో కలిసి పోతున్నాడు. కృష్ణుడు ఆకాశంవైపు చూస్తూ ‘‘అర్జునా! ఇటు చూడు ఆకాశంలో పావురాళ్ళు గుంపులు, గుంపులుగా పోతున్నవి’’ అన్నాడు.
అర్జునుడు ‘‘కృష్ణా పావురాళ్ళు వున్నాయా?’’ అన్నాడు.
‘‘పావురాళ్ళు లేనే లేవు అర్జునా...’’ చెప్పాడు కృష్ణుడు. వెంటనే అర్జునుడు ‘‘అవును కృష్ణా పావురాళ్ళు లేనే లేవు’’ చెప్పాడు.
ఈ విధంగా కృష్ణుడు ఏదంటే అదే అర్జునుడు బదులిచ్చాడు. ఇక్కడ పరిశీలించవలసినది పావురాళ్ళు ఉన్నాయా లేదా అన్నది కాదు. కృష్ణుని మాట పట్ల అర్జునునికున్న పరిపూర్ణమైన విశ్వాసం. ఆయన విశ్వాసమే శ్రద్ధ. ఇదే అత్యంత శక్తివంతమైనది.
నిజమైన భక్తుడు భగవన్నామ స్మరణ పట్ల ఎంతో శ్రద్ధ కలిగివుంటాడు. ఇలాంటి సంఘటనే శ్రీరామకృష్ణపరమహంస మరో కథగా చెప్పాడు.
శ్రీరామకృష్ణ పరమహంస శ్రద్ధకు పెద్ద పీట వేశాడు. వారి అభిప్రాయం ఏమిటంటే బాలల్లో వున్న శ్రద్ధ వ్యక్తులలో వున్నపుడే భగవంతుడు ప్రసన్నుడవుతాడు. అందుకు ఉదాహరణగా ఆయన ఒక కథ చెప్పడం జరిగింది.
ఒక ఊరిలో జటిల అనే బాలుడుండేవాడు. ప్రతిరోజు జటిల అడవి దారి గుండా గురుకులానికి వెళ్లాల్సి వచ్చేది.
ఆ దారిలో వెళ్ళడానికి ఆ బాలుడికి మహా భయంగా ఉండేది. ఆ మాటే తల్లితో చెప్పాడు. జటిల తల్లి తెలివిగా ఆలోచించింది. పిల్లవాడిలో భయం పోగొట్టాలని నిర్ణయించుకుంది.
‘‘నీకు భయం కలిగినపుడు మధుసూదనుని పిలువు’’ అన్నది.
‘‘మధుసూదనుడెవరు?’’ అడిగాడు జటిల.
‘‘అతడు నీకు అన్న’’ చెప్పింది తల్లి.
కొన్ని రోజుల తర్వాత జటిలుడు అడవిదారిన పోతూ ఉండగా జటిలకు చెప్పలేనంతగా భయమేసింది. వెంటనే ‘‘అన్నా.. మధుసూదనా...’’ అంటూ కేక వేసి పిలిచాడు. బదులు రాలేదు. ‘‘అన్నా మధుసూదనా! ఎక్కడున్నావ్? నాకు భయమేస్తుంది.. నా దగ్గరకు రా.. త్వరగా...’’ మళ్ళీ పిలిచాడు జటిల.
‘‘ఇదిగో తమ్ముడూ వస్తున్నా భయపడకు..’’ అంటూ అన్నయ్య రానే వచ్చాడు. తమ్ముని చేయి పుచ్చుకుని అడవి దాటించి అంతర్థానమైపోయాడు.
ఇంటికి వచ్చి తల్లితో జటిల అన్న మధుసూదనుడు వచ్చిన సంగతి చెప్పాడు. అంతే మాటవరసకు భయం పోగొట్టడానికి లేని అన్నను సృష్టించిన తల్లి నిశే్చష్టురాలయ్యింది. తన అబద్ధాన్ని కొడుకు శ్రద్ధా విశ్వాసంతో నిజం చేశాడు. సాక్షాత్తూ ఆ దేవదేవుడనే అన్నగా పిలిపించుకుని అడవి దాటాడు. సంతోషంతో పొంగిపోయిన ఆమె ఆ మధుసూదనునికి కోటి నమస్కారాలు అర్పించుకుంది.
అందుకే శ్రద్ధగలవానిదే జ్ఞానం అన్న మాటకు నిదర్శనాలు ఎన్నో చెప్పుకోవచ్చు. శ్రద్ధ లేని ఏ కార్యం కూడా సంపూర్ణ సఫలం కాదు. ఎంత శ్రద్ధ వుంటే అంత ఫలం దక్కుతుందన్నది సత్యం
Related Articles
(నిన్నటి సంచిక తరువాయి)
భోజనం వడ్డించమని అడిగాడు పోతన తన భార్యతో. ఆమె చోద్యంగా చూస్తూ ‘అదేమిటండీ! ఇప్పుడే కదండీ భోజనం చేసి వెళ్లారు. మళ్లీ భోజనం అంటున్నారు? మళ్లీ అప్పుడే ఆకలయిందా’ అని నవ్వుతూ అడిగింది ఆ సాధ్వీమణి.
నాటకం/నాటిక సంపూర్ణంగా పండాలంటే అందులో సమష్టి కృషి ఉంటుంది. ఒక దర్శకుడు, ఒక నటుడు, ఒక నటి, ఒక సంగీత దర్శకుడు... ఇలా... అంతా వారి వారి బాధ్యతల్లో నూటికి నూరుపాలు మమేకమైనప్పుడే ఫలితం చేతికందుతుంది. కాని, నాటకం ఇంతగా అందరినీ ఆకట్టుకోవాలంటే వీరే కాదు తెరవెనుక వాళ్లూ కావలసిందే.
నూకల చిన్న సత్యనారాయణ ‘త్యాగరాజ సారస్వత సర్వస్వం’ (900 పేజీలు), ‘వాగ్గేయకార కృతి సాగరం (రెండు భాగాలు), వంటి ఉద్గ్రంథాలలో వివిధ వాగ్గేయకారుల 1500 వందల వరకూ కృతులను ‘సాహిత్య స్వర’ బద్ధంగా, మూర్ఛన, స్వర, రాగ, తాళ విభజనాది సూచికలతో సర్వ సమగ్రంగా నూకల సంగీత ప్రపంచానికి అందించారు.
కడుపు నిండిన మనిషి మానసికానందం కోసం వెంపర్లాడాడు. ప్రకృతి వైపు పరవశించి చూశాడు. గాలికి ఆకు కదిలితే తాను తన చేయిని కదిలించాడు. గాలికి ఎండుటాకు గలగలమంటే తన గళాన్ని సరిచేసుకొని దాన్ని అనుసరించాడు. ఇలా చేస్తూ చేస్తూ మాట్లాడడం తన పూర్వీకులు గురించి తెలుసుకొన్నాడు. తాను అబ్బురం చెందాడు.
ఒక్క భారతదేశంలో మాత్రమే వినోద కార్యకలాపాల్లో చోటుచేసుకున్నది ఈ ‘ది గ్రేట్ ఇండియన్ రోప్ ట్రిక్!’ ఇప్పుడు దాదాపుగా కనుమరుగైపోయిన ఈ విద్య 19వ శతాబ్దానికి ముందుది అని కొందరు, తొమ్మిదో శతాబ్దం నుంచే ప్రజలను అలరారుస్తోందని వివరించే కథనాలు కూడా ఇప్పటికీ వినిపిస్తూనే ఉంటాయి. అంతేకాదు...