మంచి మాట
వటపత్రశాయి
S ,7 à 8 RSCA (si SASPAS) et 6 cialis pharmacie cialis rapports de stage.
ఒకనాడు మార్కండేయ మహర్షి నారాయణమూర్తినుద్దేశించి ‘‘దేవా నీవు మాయాస్వరూపుడవు. నీ మాయను కళ్ళారా చూచుటకు వేడుక పడుతున్నాను. నన్ను కృతార్థుడను చేయుము’’ అనగా పరమాత్ముడు అట్లేకానిమ్ము అని పలుకుచూ బదరికాశ్రమమునకు తరలివెళ్ళెను. శ్రీ మార్కండేయుడప్పటినుండి భగవంతుని మాయను దర్శించుట ఏనాడో కదా అని వ్యాకుల మనస్కుడాయెను.
ఒకరోజు హఠాత్తుగా పెనుగాలులు వీయదొడగెను. కారుమబ్బులు కూడి పెద్ద ధారలతో వర్షింపదొడగెను. ప్రచండ ప్రళయకాల పరిస్థితి దాపురించెను. ఒక మార్కండేయుడు మినహా ప్రపంచమే లేనట్టు తయారయ్యెను. జల జంతులేకమై అతనిని బాధపెట్టుచున్నట్లు మహర్షి బాధితుడాయెను. చాలాకాలమైనట్లు అతనికి తోచెను. ఒకనాడాయన ఒక ఎతె్తైన ప్రదేశమున ఒక చిన్న మఱ్ఱిచెట్టును చూచెను. ఆ వృక్షము ఈశాన్య దిశ యందు కొమ్మపై దొనె్న ఆకారమున చిన్న ఆకు గలదు. అందు ఒక శిశువు పరుండి యుండెను. ఆ శిశువు దేహకాంతి వలన చుట్టుపట్ల చీకటులు పటాపంచలాయెను.
అల్లారు ముద్దుగా కనపడెడి ఆ శిశువును చూచి భ్రమ చెందిన ఆ మహర్షి ఆ శిశువును సమీపించెను. ఆ శిశువు తన చిట్టిచేతులతో పాదారవిందమును పట్టుకొని నోటియందిడుకొని బొటనవ్రేలును చీకుచుండెను. ఈ మహిమాన్విత శిశువు ఎవరని శంక తీర్చుకొనుటకు సమీపించిన మహర్షి శిశువును చేరిన వెంటనే అతడు ఒక దోమ వలె మార్పు చెంది ఆ శిశువు గర్భంలోనికి లాగబడెను. అతడు పసివాని ఉదరమున ఆకాశమును, అంతరిక్షమును, నక్షత్రములో నిండిన జ్యోతిర్మండలమును, పర్వతములను, సముద్రములను, దేశములను, ద్వీపములను, దిక్కులను, సురాసురులను, వనములను, వెయ్యేల సమస్తమును, జగత్తునందేర్పడిన పరిణామములను చూచెను. విశ్వమంతయు అతడాశిశువు ఉదరమందు కాంచెను.
అంతటి ఒక నిట్టూర్పుతో ఆ మహర్షి బయటపడి వచ్చిన వెంటనే ప్రళయకాల జలధిలో పడిపోయెను. మరల అతడు ఆ సముద్ర మధ్యమున వట వృక్షమును, వటపత్రశాయిని దర్శించెను. ఆ చిన్నారి తన అధరముపై ప్రేమామృతముతో మిళితమైన చిరునవ్వు చిందించుచుండెను. మార్కండేయుడు ఇంద్రియాతీతమైన ఆ భగవంతుని తన హృదయమున ప్రతిష్ఠించుకొని ఆ చిన్నారిని అక్కున చేర్చుకొనుటకు సమీపించెను. అంతట ఆ శిశువు మహర్షి తనను సమీపించమునుపే మార్కండేయునకు ఆలింగనము ఇవ్వక అంతర్హితుడాయెను. శిశువు అదృశ్యుడైన వెంటనే వటవృక్షము, ప్రళయకాల దృశ్యము మాయమై మార్కండేయుడు యథాప్రకారముగా తన ఆశ్రమమందు ఆసీనుడాయెను.
అంతట మార్కండేయుడు ప్రదర్శితమైన యోగమాయా వైభవమును సందర్శించి ఆ పరమ పురుషుని శరణుచొచ్చుటయే యుక్తమని నిశ్చయించుకొనెను. అతడు శ్రీహరి నుద్దేశించి ‘‘ప్రభూ, నీ మాయను ప్రదర్శించినతోడనే సత్యముగా భావించెను. గొప్ప గొప్ప విద్వాంసులు కూడా ఆ మాయకు మోహితులగుదురు. సంసార భయముచే నీ పాద పద్మముల నాశ్రయించినవారికి అవి అభయ ప్రదానమొనర్చును. ముకుళితుడనై నీ చరణ కమలములను శరణుచొచ్చుచున్నాను’’ అనెను.
.................................
మంచిమాట శీర్షికకు ఆధ్యాత్మిక సంబంధమైన వ్యాసాలను సులభశైలిలో ఎవరైనా సొంతంగా రాసి పంపించవచ్చు. రచనలు పాఠకులకు ఆసక్తికరంగా వుండాలి.
మూడు అరఠావులకు తగ్గకుండా వుండాలి. ప్రచురించిన రచనలకు పారితోషికం ఉంటుంది.
...............................
Related Articles
(నిన్నటి సంచిక తరువాయి)
భోజనం వడ్డించమని అడిగాడు పోతన తన భార్యతో. ఆమె చోద్యంగా చూస్తూ ‘అదేమిటండీ! ఇప్పుడే కదండీ భోజనం చేసి వెళ్లారు. మళ్లీ భోజనం అంటున్నారు? మళ్లీ అప్పుడే ఆకలయిందా’ అని నవ్వుతూ అడిగింది ఆ సాధ్వీమణి.
నాటకం/నాటిక సంపూర్ణంగా పండాలంటే అందులో సమష్టి కృషి ఉంటుంది. ఒక దర్శకుడు, ఒక నటుడు, ఒక నటి, ఒక సంగీత దర్శకుడు... ఇలా... అంతా వారి వారి బాధ్యతల్లో నూటికి నూరుపాలు మమేకమైనప్పుడే ఫలితం చేతికందుతుంది. కాని, నాటకం ఇంతగా అందరినీ ఆకట్టుకోవాలంటే వీరే కాదు తెరవెనుక వాళ్లూ కావలసిందే.
నూకల చిన్న సత్యనారాయణ ‘త్యాగరాజ సారస్వత సర్వస్వం’ (900 పేజీలు), ‘వాగ్గేయకార కృతి సాగరం (రెండు భాగాలు), వంటి ఉద్గ్రంథాలలో వివిధ వాగ్గేయకారుల 1500 వందల వరకూ కృతులను ‘సాహిత్య స్వర’ బద్ధంగా, మూర్ఛన, స్వర, రాగ, తాళ విభజనాది సూచికలతో సర్వ సమగ్రంగా నూకల సంగీత ప్రపంచానికి అందించారు.
కడుపు నిండిన మనిషి మానసికానందం కోసం వెంపర్లాడాడు. ప్రకృతి వైపు పరవశించి చూశాడు. గాలికి ఆకు కదిలితే తాను తన చేయిని కదిలించాడు. గాలికి ఎండుటాకు గలగలమంటే తన గళాన్ని సరిచేసుకొని దాన్ని అనుసరించాడు. ఇలా చేస్తూ చేస్తూ మాట్లాడడం తన పూర్వీకులు గురించి తెలుసుకొన్నాడు. తాను అబ్బురం చెందాడు.
ఒక్క భారతదేశంలో మాత్రమే వినోద కార్యకలాపాల్లో చోటుచేసుకున్నది ఈ ‘ది గ్రేట్ ఇండియన్ రోప్ ట్రిక్!’ ఇప్పుడు దాదాపుగా కనుమరుగైపోయిన ఈ విద్య 19వ శతాబ్దానికి ముందుది అని కొందరు, తొమ్మిదో శతాబ్దం నుంచే ప్రజలను అలరారుస్తోందని వివరించే కథనాలు కూడా ఇప్పటికీ వినిపిస్తూనే ఉంటాయి. అంతేకాదు...