అంతర్జాతీయం
భగత్‌సింగ్‌ను ఉరి తీసినందుకు బ్రిటిష్ రాణి క్షమాపణ చెప్పాలి
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, మార్చి 24: స్వాతంత్య్ర సమర యోధుడు భగత్ సింగ్‌ను 1931లో ఉరి తీసినందుకు బ్రిటీష్ రాణి ఎలిజబెత్ క్షమాపణ చెప్పాలని, అందుకుగాను ఆయన వారసులకు పరిహారం చెల్లించాలని భగత్ సింగ్ 85వ వర్ధంతిని జరుపుకొన్న సందర్భంగా పాకిస్తాన్‌లోని మానవ హక్కుల ఉద్యమ కార్యకర్తలు గురువారం చెప్పారు. బుధవారం పాకిస్తాన్‌లో రెండు చోట్ల భగత్ సింగ్ వర్ధంతి కార్యక్రమాలు జరిగాయి. వాటిలో మొదటి కార్యక్రమం భగత్ సింగ్ జన్మస్థలమైన ఫైసలాబాద్ జిల్లా జరన్‌వాలా ప్రాంతంలోని బంగచాక్‌లో జరిగింది. అన్ని రంగాలకు చెందిన ప్రజలు ఈ కార్యక్రమానికి హాజరయి స్వాతంత్య్రం కోసం భగత్ సింగ్ జరిపిన పోరాటాన్ని ప్రశంసించారు. రెండో కార్యక్రమం బ్రిటీష్ ప్రభుత్వంపై కుట్ర పన్నారన్న ఆరోపణలపై 1931 మార్చి 23న భగత్ సింగ్‌తో పాటుగా ఆయన సహచరులు రాజ్‌గురు, సుఖ్‌దేవ్‌లను ఉరి తీసిన లాహోర్‌లోని షాద్‌మన్ చౌక్ వద్ద జరిగింది. స్వాతంత్య్ర పోరాట యోధుడైన భగత్ సింగ్‌ను ఉరి తీసినందుకు బ్రిటీష్ రాణి ఎలిజబెత్ క్షమాపణ చెప్పాలని, ఆయన వారసులకు పరిహారం చెల్లించాలని డిమాండ్ చేస్తూ ఈ సమావేశంలో ఒక తీర్మానాన్ని ఏకగ్రీవంగా ఆమోదించారు కూడా. ఈ సందర్భంగా పాకిస్తాన్‌లో భారత హైకమిషనర్ గౌతమ్ బంబావాలే పంపిన లిఖితపూర్వక సందేశాన్ని కూడా సమావేశంలో చదివి వినిపించారు. భగత్ సింగ్ జ్ఞాపకాలను జీవంతంగా ఉంచడం కోసం ఈ కార్యక్రమాన్ని ఏర్పాటు చేసిన భగత్ సింగ్ ఫౌండేషన్ కృషిని ఆయన ప్రశంసించారు. బ్రిటీష్ రాణికి పంపించడం కోసం తాము ఈ తీర్మానాన్ని ఇస్లామాబాద్‌లోని బ్రిటీష్ హైకమిషన్‌కు అందజేస్తామని హక్కుల ఉద్యమ కార్యకర్త అబ్దుల్లా మాలిక్ పిటిఐకి చెప్పారు. ఉగ్రవాదుల బెదిరింపుల కారణంగా షాద్‌మన్ కార్యక్రమాన్ని గట్టి బందోబస్తు మధ్య నిర్వహించారు. షాద్‌మన్ చౌక్ పేరును భగత్ సింగ్ చౌక్‌గా మార్చాలని భగత్ సింగ్ ఫౌండేషన్ డిమాండ్ చేస్డుగా, జమాత్ -ఉద్- దవా అనుబంధ సంస్థ అయిన హుర్మత్- ఎ-రసూల్ దాన్ని వ్యతిరేకిస్తూ ఉంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.