అంతర్జాతీయం
రష్యా విమానం 71మంది దుర్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
మాస్కో, ఫిబ్రవరి 11: రష్యా రాజధాని మాస్కో శివారులో ఓ ప్రయాణికుల విమానం కూలిపోయిన దుర్ఘటనలో 71 మంది దుర్మరణం చెందారు. మాస్కోలోని డొమండెడోవ్ విమానాశ్రయం నుంచి బయలు దేరిన ఎఎన్-148 అనే విమానంలో ప్రమాద సమయానికి ఆరుగురు సిబ్బంది, 65మంది ప్రయాణికులు ఉన్నారు. ఈ విమానం మాస్కో నుంచి ఓర్క్స్ పట్టణానికి వెళుతున్న సమయంలో ఈ ప్రమాదం జరిగిందని అధికారులు తెలిపారు. మంటల్లో ఉన్న ఈ విమాన శకలాలు కింద పడటాన్ని తాము చూశామని అర్గునోవో గ్రామ ప్రజల్ని ఉటంకిస్తూ కథనాలు వెలువడ్డాయి. విమాన శకలాలు మంచు ప్రాంతంలో పడ్డ దృశ్యాలు చానళ్లలో ప్రసారం అయ్యాయి. దట్టమైన మంచుకారణంగా ప్రమాద స్థలానికి వెంటనే అత్యవసర సర్వీసు బృందాలను తరలించడం సాధ్యం కాలేదని, కాలినడకనే సిబ్బంది అక్కడికి వెళ్లాల్సి వచ్చిందని రష్యా ఎమర్జెన్సీ సర్వీసుల విభాగం తెలిపింది. మాస్కో నుంచి బయలుదేరిన నాలుగు నిముషాల్లోనే ఈ విమానం రాడార్ పరిధి నుంచి అదృశ్యమైనట్టు తెలుస్తోంది. మానవ తప్పిదం, దట్టంగా మంచు కురవడం సహా అనేక అంశాలు ఈ దుర్ఘటనకు కారణమై ఉండవచ్చునని భావిస్తున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.