మంచి మాట
భక్తి
S ,7 à 8 RSCA (si SASPAS) et 6 cialis pharmacie cialis rapports de stage.
పరమేశ్వరుని పాద పద్మములపై మనస్సును లగ్నము చేయుటయే భక్తి అని ఆదిశంకరులవారు సెలవిచ్చారు. భక్తి అను పదము ‘్భజ్’ అను ధాతువునుండి ఉత్పన్నమైనది. దీనికి ‘క్తిన్’ అను ప్రత్యయము చేరగా భక్తి అను పదము ఏర్పడినది. భక్తి అనగా భజించడము లేక సేవించడము అని అర్థము. శ్రీకృష్ణపరమాత్ముడు భగవద్గీతలో భక్తులే నాకు అత్యంత ప్రియమైనవారని సెలవిచ్చియున్నాడు. ‘్భక్తాస్తేతీవమే ప్రియాః’ (్భగ.12వ అధ్యా. 20శ్లో.) నారద భక్తి సూత్రములలో పరమేశ్వరుని యందలి పరమ ప్రేమయే భక్తి అని, అది అమృత స్వరూపమైనదని తెలుపబడినది. (సాత్వస్మిన్ పరమ ప్రేమ రూపా! అమృత స్వరూపాచ) శాండిల్య భక్తి సూత్రములలో భగవంతుని ఎడగల పరమ ప్రీతియే భక్తియని వివరించబడినది.
అతి ప్రాచీన కాలమునుండి ఈనాటివరకు భారతావనిలో ఎందరో మహానుభావులు భక్తిరస ప్రధానములైన కృతులను లోకానికందించారు. నాటినుండి నేటివరకు భక్తిరస స్రవంతి అకుంఠితముగా భారతీయ ప్రజలలో ప్రవహిస్తూనే యున్నది. తెలుగు సాహిత్యములో అన్నమయ్య, పోతన, భద్రాది రామదాసు, త్యాగయ్య వంటి భక్తశిఖామణుల నోటినుండి జాలువారిన సాహిత్యం నేటికిని ప్రజల నాలుకలపై జీవిస్తూనే యున్నది. నవరసాలలో భక్తిరసముకాదాని లక్షణకారులు చెప్పినప్పటికిని ఎందరో కవిశ్రేష్ఠులు, భక్తశిఖామణులు భక్తికి రసస్థాయిని కలిగించారు. ఆధునిక కాలంలో కూడా భక్తి సాహిత్యమును వెలువరించినవారు అనేకులున్నారు.
అవ్యక్త చైతన్యములో వ్యక్తి ఔన్నత్యము ఏ విధంగా ఇమిడియున్నదో తెలియజేయునదియే భక్తి. వాస్తవమునకు భక్తి అంటే సత్యము దర్శించి, సత్యావగాహనతో జీవించి సత్యమై భాసించుటయే నిజమైన భక్తి. అవగాహనాపూరిత ఉజ్వల పారవశ్యస్థితియే భక్తి. భక్తి తెలిసి భగవంతునితో కలిసి, కరిగి లీనమై ప్రకాశించు స్థితిని ప్రసాదించు ఉత్కృష్టమైన మహోన్నత సాధనయే భక్తియోగము.
ఈ విశాల విశ్వంలో మనము అనేకమంది వ్యక్తులను, అనేక వస్తువులకు సంబంధించి యున్నాము. అయితే ఈ సంబంధాలు అనుబంధాలు, అనురాగాలు, ఆత్మీయత మనోకల్పితాలు మాయా నిర్మితాలు. అజ్ఞానము, అంధకారముచే సత్యమును మరుగుపరచే ఇనుప గోడలు. ఒకవేళ మనోకల్పిత భావాలు, బాంధవ్యాలు అభిలషిస్తే దరిజేర్చుకోవచ్చు. అడ్డువస్తే తొలగించుకొనవచ్చు. కాని బాంధవ్యాన్ని మాత్రము తొలగించుకొనేందుకు వీలులేదు. అదియే భగవంతునితో మనకున్న అపూర్వ సంబంధం, అనుబంధం. లోకంలో ఇదొక్కటే శాశ్వత అనుబంధం, సంబంధం. మనము విరక్తితో భగవంతుని విస్మరించవచ్చు. వికల్పముతో అతనితో మనకున్న సంబంధాన్ని విసర్జించవచ్చు. అలా అయినంత మాత్రాన మనము అతనికి దూరంగా మాత్రము వెళ్ళలేము. నదిలోని, సముద్రములోని కెరటం వాటితో తనకెలాంటి సంబంధము లేదని భావించవచ్చు. కాని నదిని, సముద్రాన్ని విడిచి కెరటం దూరంగా వెళ్ళుట మాత్రం అసాధ్యము. ఇది ప్రకృతి మనకు ప్రసాదించిన అభేదమైయున్న అపూర్వ సందేశము. అలాగే మనం భగవానునితో కలిసియున్నామని అర్థం చేసికోవాలి. ఇది అర్థమైతే భక్తి అర్థమైనట్లే! ఈ అవగాహన మన అంతర్యములో స్ఫురించి భాసిల్లాలి. భక్తి అంటే అర్థం కాని మనస్సునకు భక్తి ఏ విధంగా కలుగుతుంది? అంటే భక్తి కలుగదు. భక్తి పోల్చుకోవలసిన విషయము కాదు. మన మనస్సుతో తేల్చుకోవలసిన విషయం.
భక్తి భగవంతుని కొరకే. భగవత్ సాన్నిధ్యాన్ని చేరుకొనుటకు రెండు సాధనాలున్నాయి. అవి సగుణ, నిర్గుణ సాధనాలు. ఈ రెండూ శ్రేష్ఠమైనవే. వాటిమధ్య ఎలాంటి తేడాలు లేవు. సాధకుని మనస్సు సాధనను ఎన్నుకుంటుంది. ఇందుకు కావలసినది అనన్య చిత్తము. నిత్య యుక్తమైన ఉపానస, ఉత్తమమైన శ్రద్ధ. ఈ మూడింటితో సగుణమైన, నిర్గుణమైన భగవంతుని పొందవచ్చును. అదియే నిజమైన భక్తి, శక్తి.
Related Articles
(నిన్నటి సంచిక తరువాయి)
భోజనం వడ్డించమని అడిగాడు పోతన తన భార్యతో. ఆమె చోద్యంగా చూస్తూ ‘అదేమిటండీ! ఇప్పుడే కదండీ భోజనం చేసి వెళ్లారు. మళ్లీ భోజనం అంటున్నారు? మళ్లీ అప్పుడే ఆకలయిందా’ అని నవ్వుతూ అడిగింది ఆ సాధ్వీమణి.
నాటకం/నాటిక సంపూర్ణంగా పండాలంటే అందులో సమష్టి కృషి ఉంటుంది. ఒక దర్శకుడు, ఒక నటుడు, ఒక నటి, ఒక సంగీత దర్శకుడు... ఇలా... అంతా వారి వారి బాధ్యతల్లో నూటికి నూరుపాలు మమేకమైనప్పుడే ఫలితం చేతికందుతుంది. కాని, నాటకం ఇంతగా అందరినీ ఆకట్టుకోవాలంటే వీరే కాదు తెరవెనుక వాళ్లూ కావలసిందే.
నూకల చిన్న సత్యనారాయణ ‘త్యాగరాజ సారస్వత సర్వస్వం’ (900 పేజీలు), ‘వాగ్గేయకార కృతి సాగరం (రెండు భాగాలు), వంటి ఉద్గ్రంథాలలో వివిధ వాగ్గేయకారుల 1500 వందల వరకూ కృతులను ‘సాహిత్య స్వర’ బద్ధంగా, మూర్ఛన, స్వర, రాగ, తాళ విభజనాది సూచికలతో సర్వ సమగ్రంగా నూకల సంగీత ప్రపంచానికి అందించారు.
కడుపు నిండిన మనిషి మానసికానందం కోసం వెంపర్లాడాడు. ప్రకృతి వైపు పరవశించి చూశాడు. గాలికి ఆకు కదిలితే తాను తన చేయిని కదిలించాడు. గాలికి ఎండుటాకు గలగలమంటే తన గళాన్ని సరిచేసుకొని దాన్ని అనుసరించాడు. ఇలా చేస్తూ చేస్తూ మాట్లాడడం తన పూర్వీకులు గురించి తెలుసుకొన్నాడు. తాను అబ్బురం చెందాడు.
ఒక్క భారతదేశంలో మాత్రమే వినోద కార్యకలాపాల్లో చోటుచేసుకున్నది ఈ ‘ది గ్రేట్ ఇండియన్ రోప్ ట్రిక్!’ ఇప్పుడు దాదాపుగా కనుమరుగైపోయిన ఈ విద్య 19వ శతాబ్దానికి ముందుది అని కొందరు, తొమ్మిదో శతాబ్దం నుంచే ప్రజలను అలరారుస్తోందని వివరించే కథనాలు కూడా ఇప్పటికీ వినిపిస్తూనే ఉంటాయి. అంతేకాదు...