జగ్గయ్యపేట రూరల్, ఆగస్టు 7: విజయవాడ - హైదరాబాదు 65వ నెంబరు జాతీయ రహదారిపై కృష్ణా జిల్లా సరిహద్దు రవాణా చెక్‌పోస్టు వద్ద సోమవారం అర్ధరాత్రి 2.30 గంటల సమయంలో మూడు బస్సులు, ఒక కారు ఒకదానికొకటి ఢీకొన్న ప్రమాద సంఘటనలో ఒకరు మృతి చెందగా 27 మందికి గాయాలయ్యాయి.

మచిలీపట్నం (లీగల్), ఆగస్టు 6: ఇటీవల జిల్లా బహిష్కరణకు గురైన రౌడీషీటర్ మాదివాడ శివ శంకరరావు అలియాస్ శంకర్‌కు హత్య కేసులో యావజ్జీవ కారాగార శిక్ష, రూ.5వేలు జరిమానా విధిస్తూ 6వ అదనపు జిల్లా సెషన్స్ జడ్జి టి మల్లిఖార్జునరావు సోమవారం తీర్పు చెప్పారు. 2012 నవంబర్ 27వతేదీన మచిలీపట్నం నవకళా సెంటరులో శక్తిగుడి సెంటరుకు చెందిన వడ్డీ వ్యాపారి గంధం వెంకటేశ్వరరావు దారుణ హత్యకు గురయ్యాడు.

న్యూఢిల్లీ, ఆగస్టు 6: కేరళ చర్చి లైంగిక కుంభకోణం కేసులో నిందితులుగా ఉన్న ఇద్దరు మత గురువులకు ముందస్తు బెయిల్ ఇచ్చేందుకు సుప్రీం కోర్టు నిరాకరించింది. ఓ వివాహితపై లైంగిక వేధింపులకు పాల్పడిన అభియోగాలను ఈ ఇద్దరు నిందితులు ఎదుర్కొంటున్నారు. వీరు తప్పనిసరిగా ఈ నెల 13లోగా పోలీసులకు లొంగిపోవాలని జస్టిస్ సిక్రి, అశోక్ భూషణ్‌లతో కూడిన ధర్మాసనం ఆదేశించింది.

డియోరియా, లక్నో, ఆగస్టు 6: బిహార్‌లోని ముజఫర్ సంఘటన మరువక ముందే అలాంటి సంఘటనే ఈసారి యూపీలో వెలుగులోకి వచ్చింది. ఆశ్రమంలోని 24 మంది బాలికలపై నిర్వాహకులు లైంగిక వేధింపులకు పాల్పడుతున్నట్టు ఆరోపణలు వచ్చాయి. దీంతో ఆ ఆశ్రమంపై అధికారులు దాడులు నిర్వహించారు.