న్యూఢిల్లీ, ఆగస్టు 5: చంద్రునిపై భారత్ నిర్వహిస్తున్న రెండో ప్రయోగం మరింత ఆలస్యం కానుంది. దీనిని జనవరిలో నిర్వహించవచ్చునని ఒక ఉన్నతాధికారి తెలిపారు. చంద్రునిపైకి మానవరహిత ప్రయోగాలు నిర్వహించాలనుకున్న ఇస్రోకు ఈ ఏడాది రెండుసార్లు ఎదురుదెబ్బలు తగిలాయి. తొలుత ఈ ప్రయోగాన్ని ఈ ఏడాది ఏప్రిల్‌లో నిర్వహించాలనుకున్నారు. ఈ ఏడాది తొలు త జిశాట్-6ఏ పేరుతో మిలటరీ కమ్యూనికేషన్ శాటిలైట్‌ను ఇస్రో ప్రయోగించింది.

న్యూఢిల్లీ, ఆగస్టు 5: పోలింగ్ బూత్‌లో ఓటర్లు ఎలక్ట్రానిక్ ఓటింగ్ యంత్రాల ద్వారా ఏ పార్టీకి ఓటు వేశారో వారికి తప్ప మరెవరికీ తెలియదని, పేపర్ ట్రయల్ మెషీన్ ఓటర్ల ఫొటోలు తీస్తుందని జరుగుతున్న ప్రచారంలో నిజం లేదని కేంద్ర ఎన్నికల సంఘం ప్రధాన కమిషనర్ ఓపీ రావత్ తెలిపారు. ఎలక్ట్రానిక్ ఓటింగ్ యంత్రానికి అనుసంధానంగా ఏర్పాటు చేసే వోటర్ వెరిఫైబుల్ వోటర్ ఆడిట్ ట్రయల్ ఓటు వేసినట్లు ఒక రుజువు మాత్రమేనన్నారు.

న్యూఢిల్లీ, ఆగస్టు 5: ఆర్థిక నేరాలకు పాల్పడి, ఆతర్వాత కేసును తప్పించుకోవడానికి విదేశాలకు పారిపోయే వారి ఆటలకు తెరపడనుంది. ఈ ఏడాది ప్రవేశపెట్టినపలాయనం చిత్తగించే ఆర్థిక నేరగాళ్ల నిరోధక చట్టం బిల్లుకు రాష్టప్రతి ఆమోద ముద్ర లభించింది. కొత్త చట్టం అమల్లోకి వస్తుంది. వంద కోట్ల రూపాయలు లేదా అంతకంటే ఎక్కువ మొత్తాలను ఎగ్గొట్టిన ఆర్థిక నేరస్థులు ఈ కొత్త చట్టం పరిధిలోకి వస్తారు.

చైన్నై, ఆగస్టు 5: రాష్ట్ర పతి రామ్‌నాథ్ కోవింద్ ఆదివారం చెన్నై చేరుకుని కావేరీ ఆస్పత్రిలో చికిత్స పొందుతున్న డీఎంకే చీఫ్, మాజీ ముఖ్యమంత్రి కరుణానిధి ఆరోగ్యంపై ఆరా తీశారు. ఆస్పత్రిలో కరుణానిధి తనయుడు, డీఎంకే కార్యనిర్వాహక అధ్యక్షుడు స్టాలిన్‌తో రాష్టప్రతి కొంతసేపు ముచ్చటించారు. హైదరాబాద్ నుంచి ఇక్కడికి చేరుకున్న రాష్టప్రతి విమానాశ్రయం నుంచి నేరుగా కావేరీ ఆస్పత్రికి వచ్చారు.