రాయ్‌పూర్ : ఛత్తీస్‌గఢ్‌లో భారీ ఎన్‌కౌంటర్ జరిగింది. సుక్మా జిల్లాలోని గొల్లపల్లి పోలీసు స్టేషన్ పరిధిలో భద్రతా బలగాలు, మావోయిస్టులకు మధ్య ఎదురుకాల్పులు జరిగాయి. ఈ ఎదురుకాల్పుల్లో 14 మంది మావోయిస్టులు మృతి చెందారు. ఎదురుకాల్పులు జరిగిన ప్రాంతంలో 16 ఆయుధాలను పోలీసులు స్వాధీనం చేసుకున్నారు.

ఢిల్లీ: దేశ రాజధాని ఢిల్లీలో పేలుళ్లకు పాల్పడేందుకు ఉగ్రవాదులు పన్నిన కుట్రను పోలీసులు భగ్నం చేశారు. కాశ్మీర్ నుంచి ఢిల్లీ వెళ్లే బస్సును పోలీసులు తనిఖీలు చేయగా ఓ కాశ్మీర్ యువకుడి వద్ద ఎనిమిది గ్రనేడ్‌లు, రూ.60,580ల నగదును స్వాధీనం చేసుకున్నారు. త్వరలో స్వాతంత్ర దినోత్సవ వేడుకలు జరుగుతున్న నేపథ్యంలో ఢిల్లీకి వచ్చే రాకపోకలపై నిఘా పెంచారు.

చందౌలి (యూపీ), ఆగస్టు 5: రాజ్యసభలో ఓబీసీ కమిషన్ బిల్లుపై కాంగ్రెస్ పార్టీ తన వైఖరిని స్పష్టం చేయాలని, నిజంగా ఓబీసీలంటే కాంగ్రెస్‌కు ప్రేమ ఉందా అని బీజేపీ జాతీయాధ్యక్షుడు అమిత్‌షా డిమాండ్ చేశారు. ఓటు బ్యాంకు రాజకీయాలకు స్వస్తి చెప్పాలని, వెనకబడిన వర్గాల సముద్ధరణకు బీజేపీ తీసుకుంటున్న చర్యలకు మద్దతు ఇవ్వాలని ఆయన కవురారు.

రాయిపూర్, ఆగస్టు 5: ఛత్తీస్‌గఢ్‌లోని బలోదాబజార్ జిల్లా రోహాసీ గ్రామంలో నిర్వహిస్తున్న సెంటర్‌లో ఊపిరాడక 18 ఆవులు మృతి చెందాయి. ఇదే కేంద్రంలో ఉన్న మరో 18 పశువులు కోలుకున్నాయని జిల్లా కలెక్టర్ జనక్ ప్రసాద్ తెలిపారు. ఈ గ్రామం నుండి 70 కి.మీ దూరంలోకి రాష్ట్ర రాజధానికి పశువులను తరలించేందుకు ఒక కేంద్రంలో సిద్ధంగా ఉంచారని అధికారులకు సమాచారం అందింది.