అహ్మదాబాద్, జూలై 10: గత రెండేళ్ల కాలంలో నరేంద్ర మోదీ ప్రభుత్వం నల్లధనంపై తీసుకున్న చర్యల కారణంగా విదేశీ బ్యాంకుల్లో భారతీయులు దాచుకున్న అక్రమ ఆస్తులు గణనీయంగా తగ్గాయని ఆర్థిక మంత్రి అరుణ్ జైట్లీ చెప్పారు. జి-20 దేశాలు తీసుకున్న చర్యలతోపాటుగా సాంకేతిక జోక్యం కారణంగా ఇప్పుడు దేశంలో కానీ, విదేశాల్లో కానీ నల్లధనాన్ని ఉంచుకోవడం కష్టంగా మారుతోందన్నారు.

ఢిల్లీ/విజయవాడ/గజ్వేల్, జూలై 10: అమర్‌నాథ్ యాత్రకు తెలుగు రాష్ట్రాలనుంచి వెళ్లిన 350మందికి పైగా యాత్రికులు కాశ్మీర్‌లో చిక్కుబడిపోయారు. కనీస సౌకర్యాలు కరవై అల్లాడుతున్నారు. ప్రకాశం, నెల్లూరు, చిత్తూరు, పశ్చిమ గోదావరి, మెదక్ జిల్లాలకు చెందినవారు వీరిలో ఉన్నారు.

ముంబై, జూలై 10: మహారాష్ట్ర ముఖ్యమంత్రి దేవేంద్ర ఫడ్నవిస్ మంత్రివర్గ పునర్వ్యవస్థీకరణ వివాదాస్పదమైంది. జలసంరక్షణ, గ్రామీణ, మహిళా శిశు సంక్షేమ శాఖ మంత్రిగా ఉన్న పంకజాముండే నుంచి జలసంరక్షణ శాఖ తొలగించటంతో ఆమె తీవ్ర ఆగ్రహంతో ఉన్నారు. ఆదివారం ఉదయం నుంచి పంకజ నివాసం దగ్గర ఆమె అభిమానులు, కార్యకర్తలు పెద్ద ఎత్తున నిరసనలు వ్యక్తం చేశారు. సీయం దిష్టిబొమ్మను దగ్ధం చేశారు.

బళ్ళారి, జూలై 9: తుంగభద్ర జలాశయం నీటిమట్టం క్రమంగా పెరుగుతోంది. ఎగువ పరివాహక ప్రాంతాల్లో కురుస్తున్న వర్షాలకు తుంగభద్రకు వరద నీరు వచ్చిచేరుతోంది. శనివారం ఎగువ నుంచి 35,097 క్యూసెక్కుల నీరు వచ్చి చేరింది. దీంతో జలాశయం నీటిమట్టం 1604.52 అడుగులకు చేరుకుంది. జలాశయంలో 25.861 టిఎంసిల నీరు నిల్వ ఉంది. జలాశయం నీటిమట్టం పెరుగుతున్నందున కాల్వలకు నీరు విడుదల చేయాలని రైతులు కోరుతున్నారు.