అంతర్జాతీయం
మీకు నిజాయితీ లేదు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: అమెరికా మీడియాపై అధ్యక్షుడు డొనాల్డ్ ట్రంప్ తీవ్రంగా మండిపడ్డారు. మీడియాలో నిజాయితీ లోపించిందని, లాబీయింగ్ చేయటానికి మాత్రమే మీడియా ఉపయోగపడుతోందని ఆయన బుధవారం ఆరోపించారు. ఇటీవల వర్జీనియాలో తెల్లజాతీయుల ర్యాలీకి మీడియా పెద్దపీట వేయటాన్ని ట్రంప్ తప్పుపట్టారు. మీడియా తప్పుడు సమాచారాన్ని అధికంగా ప్రచారం చేస్తూ అమెరికాలో విభజన తీసుకువచ్చేందుకు ప్రయత్నిస్తోందని ఆయన విమర్శించారు. వర్జీనియాలో ఘర్షణలకు ఇరువర్గాలూ కారణమని వ్యాఖ్యానించిన మొదట్లో మాట్లాడిన ట్రంప్ ఇప్పుడు తన వైఖరిని మార్చుకున్నారు. అమెరికాలో ఎలాంటి వివక్షకు, విద్వేషానికి తావు లేదని ఆయన స్పష్టం చేశారు. అరిజోనా, ఫోనిక్స్ ప్రాంతాల్లో మంగళవారం జరిగిన ప్రచార తరహా ర్యాలీ నేపథ్యంలో న్యూయార్క్ టైమ్స్, వాషింగ్టన్ పోస్ట్, సిఎన్‌ఎన్ వంటి సంస్థలపై నిప్పులు చెరిగారు.
‘వీళ్లు నిజంగా నిజాయితీ లేని మనుషులు. వాళ్లు మన దేశాన్ని ఇష్టపడటం లేదు. వాళ్లు చెడ్డవాళ్లు ఇదే నా అభిప్రాయం’ అని ఆయన వ్యాఖ్యానించారు. ‘వాళ్లు మన చరిత్రను, వారసత్వాన్ని వెనక్కి తీసుకుపోవాలని చూస్తున్నారు’ అని అన్నారు. ఈ మీడియా విద్వేష గ్రూపులకు అధిక ప్రాధాన్యమిస్తాయని, తప్పుడు వార్తలను ప్రచురిస్తాయని, ప్రసారం చేస్తాయని ఆయన ఆరోపించారు. వాషింగ్టన్ పోస్ట్ అమేజాన్‌కు లాబీయింగ్ చేయటానికి ఉపయోగపడుతోందన్నారు. అమెరికాను తిరిగి గొప్ప దేశంగా తీర్చిదిద్దటం ఈ మీడియాకు అస్సలు ఇష్టం లేదని కూడా ట్రంప్ విమర్శించారు. సదరు మీడియా ద్వంద్వ వైఖరితో వ్యవహరిస్తోందని ఆయన అన్నారు. ‘మన వీధుల్లో ఓ ముఠా హింసాత్మక చర్యలకు పాల్పడుతుంటే వీళ్ల కళ్లు మూసుకుపోయాయి’ అని ఆయన అన్నారు. అదే సమయంలో ఫాక్స్ న్యూస్‌ను ట్రంప్ ప్రశంసించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.