అంతర్జాతీయం
కఠిన నిర్ణయాలకు వెనుకాడం
S ,7 à 8 RSCA (si SASPAS) et 6 cialis pharmacie cialis rapports de stage.
యాంగాన్, సెప్టెంబర్ 6: భారత ప్రయోజనాల పరిరక్షణకు ఎంతటి కఠిన నిర్ణయాన్నైనా తీసుకునేందుకు వెనుకాడేది లేదని ప్రధాన మంత్రి నరేంద్ర మోదీ స్పష్టం చేశారు. పెద్దనోట్ల రద్దును గట్టిగా సమర్థించుకున్న ఆయన దేశ హితమే తమ లక్ష్యమని బుధవారంనాడిక్కడ భారత సంతతికి చెందినవారిని ఉద్దేశించి మాట్లాడుతూ అన్నారు. రాజకీయాలకంటే దేశ హితమే ముఖ్యమని భావించడం వల్లే తమ ప్రభుత్వం ఇలాంటి విస్తృత ప్రభావం కలిగిన నిర్ణయాలను తీసుకోగలిగిందని స్పష్టం చేశారు. పెద్దనోట్ల రద్దుతోపాటు పాక్ ఆక్రమిత కాశ్మీర్‌పై జరిగిన లక్ష్యిత దాడులను ఇటీవలే అమలు చేసిన చారిత్రక జిఎస్‌టిని కూడా మోదీ ఈ సందర్భంగా ప్రస్తావించారు. ఇవన్నీ కూడా మూడేళ్ల పాలనలో తాము తీసుకున్న అతిపెద్ద, కఠిన నిర్ణయాలేనని తెలిపారు. మనీల్యాండరింగ్‌కు పాల్పడుతున్న రెండు లక్షల కంపెనీల రిజిస్ట్రేషన్లను రద్దు చేశామని, నల్లధనాన్ని సమూలంగా నిర్మూలించడమే లక్ష్యంగా తాము పనిచేశామని, కొద్దిమంది అవినీతిపరుల చర్యలకు 125 కోట్ల మంది భారతీయులు మూల్యం చెల్లించుకోవాల్సి వచ్చింది, అలాంటిది మాకు ఎంతమాత్రం ఆమోదయోగ్యం కాదు అని 35 నిమిషాలపాటు సాగిన ప్రసంగంలో మోదీ తెలిపారు. అసలు నల్లధనం ఎక్కడినుంచి వస్తోంది, ఎక్కడినుంచి పోతోంది అన్నదానిపై ఎలాంటి ఆధారాలు లేవని పేర్కొన్న మోదీ పెద్దనోట్ల రద్దు అన్ని విధాలా సరైన నిర్ణయమేనని గట్టిగా సమర్థించుకున్నారు.
చిత్రం.. యాంగాన్‌లోని భారతీయులతో కరచాలనం చేస్తున్న మోదీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.