అంతర్జాతీయం
గ్రిల్లోట్‌కోసం లక్ష డాలర్లు సేకరించిన భారతీయులు
S ,7 à 8 RSCA (si SASPAS) et 6 cialis pharmacie cialis rapports de stage.
హ్యూస్టన్, మార్చి 26: ఒక భారతీయుడిని కాపాడడానికి, కాల్పులను ఎదుర్కొని గాయపడిన 24 ఏళ్ల అమెరికన్‌ను అమెరికాలోని భారతీయులు ‘నిజమైన అమెరికన్ హీరో’గా గౌరవించడంతోపాటుగా తన స్వస్థలమైన కాన్సాస్‌లో ఇల్లు కొనడం కోసం అతనికి సాయం చేయడానికి లక్ష డాలర్ల విరాళాలను కూడా సేకరించారు. కాన్సాస్‌లోని ఒక బార్‌లో గత నెల భారతీయులను టార్గెట్‌గా చేసుకుని కాల్పులు జరిపిన నేవీ మాజీ ఉద్యోగిని అడ్డుకోవడానికి ప్రయత్నించిన ఘటనలో ఇయాన్ గ్రిల్లోట్ అనే అమెరికన్ యువకుడు గాయపడ్డం తెలిసిందే. కాగా, ఇక్కడి ఇండియన్ హౌస్ హ్యూస్టన్ 14వ వార్షికోత్సవాల్లో భాగంగా గ్రిల్లోట్‌ను అమెరికాలోని భారతీయులు ‘నిజమైన అమెరికన్ హీరో’గా అభివర్ణిస్తూ ఘనంగా సన్మానించారు. ఈ కాల్పుల్లో శ్రీనివాస్ కూచిభొట్ల అనే తెలుగు యువకుడు మృతిచెందగా, అతని స్నేహితుడు అలోక్ మేడసాని తీవ్రంగా గాయపడ్డం తెలిసిందే. హ్యూస్టన్‌లోని భారతీయ సంతతి వారి తరఫున ఇండియన్ హౌస్ అతని నిస్వార్థ చర్యను గుర్తించిందని, ఇల్లు కొనడంకోసం గ్రిల్లోట్‌కు సాయం చేయాలని నిర్ణయించినట్లు సంస్థ ఫేస్‌బుక్ పేజిలో ఉంచిన ప్రకటన పేర్కొంది. హ్యూస్టన్‌లోని భారత కాన్సుల్ జనరల్ డాక్టర్ అనుపమ్ రే మద్దతతో ఇండియా హౌస్ ఇయాన్ తన సొంత పట్టణంలో ఇల్లు కొనుగోలు చేసేందుకు లక్ష డాలర్ల విరాళాలను సేకరించిందని కూడా ఆ ప్రకటన తెలిపింది. అమెరికాలో భారత రాయబారి నవ్‌తేజ్ సర్నా ఇయాన్‌కు లక్ష డాలర్ల చెక్‌ను అందజేశారు.
చిత్రం.. కాన్సాస్ కాల్పుల్లో గాయపడి కోలుకున్న అలోక్ మేడసానితో కాల్పులకు దిగిన వ్యక్తిని అడ్డుకోబోయన ఇయాన్ గ్రిల్లోట్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.