అమరావతి, మార్చి 17: విళంబి నామ సంవత్సరం తెలుగువారి జీవితాల్లో నవ్యకాంతులు నింపాలని, ప్రతి లోగిలిలో సంతోషం వెల్లివిరియాలని, కుటుంబంలో ప్రతి ఒక్కరూ ఆనందంగా గడపాలని ఆంధ్రప్రదేశ్ ముఖ్యమంత్రి చంద్రబాబునాయుడు ఆకాంక్షించారు. రాష్ట్ర ప్రజలకు, దేశ విదేశాల్లోని తెలుగువారికి ఆయన విళంబి నామ సంవత్సర ఉగాది శుభాకాంక్షలు తెలిపారు.

విజయవాడ(బెంజిసర్కిల్), మార్చి 17: టీడీపీ, వైకాపాలకు రాష్ట్ర ప్రయోజనాల కంటే స్వప్రయోజనాలనే ముఖ్యమని భారతీయ జనతా పార్టీ రాష్ట్ర ప్రధాన కార్యదర్శి జమ్ముల శ్యాంకిషోర్ విమర్శించారు. వారు చేసిన తప్పులను కప్పిపుచ్చుకునే క్రమంలో బీజేపీపై తప్పుడు, అసత్య ప్రచారాలను చేస్తున్నారని, వీటిని సహించేది లేదన్నారు. విభజన చట్టంలోని హామీలన్నింటినీ అమలు చేసేందుకు కేంద్ర ప్రభుత్వం కట్టుబడి ఉందని స్పష్టం చేశారు.

అమరావతి, మార్చి 17: కేంద్ర ప్రభుత్వ సహకారం అందించకపోయినప్పటికీ, 16వేల కోట్ల లోటు బడ్జెట్ ఉన్నప్పటికీ గత నాలుగు సంవత్సరాలుగా మైనార్టీల సంక్షేమం కోసం టీడీపీ ప్రభుత్వం 2,300 కోట్ల భారీగా బడ్జెట్ కేటాయించి ఖర్చు చేసిందని మండలిలో ప్రభుత్వ విప్ ఎంఏ షరీఫ్ చెప్పారు.

విజయవాడ, మార్చి 17: పెరూ దేశంలోని అంతర్జాతీయ బంగాళదుంప పరిశోధనా సంస్థ డైరెక్టర్ జనరల్ డాక్టర్ బార్బరా వెల్స్, ఆసియా రీజినల్ డైరెక్టర్ సమరేందు మొహంతి శనివారం వ్యవసాయ శాఖా మంత్రి సోమిరెడ్డి చంద్రమోహన్‌రెడ్డితో విజయవాడలో భేటీ అయ్యారు. బంగాళదుంపలు, చిలకడదుంపల పరిశోధనాంశాలు, కొత్త వంగడాలు, మన రాష్ట్రంలో వేడికి తట్టుకునే వంగడాల సాగుకు ఉన్న అవకాశాలపైన సుదీర్ఘంగా చర్చించారు.