నెల్లూరు, నవంబర్ 15: ఇటీవల నిర్వహించిన జైలు సిబ్బంది పరీక్షల్లో ఉత్తీర్ణులై ఉద్యోగాలకు ఎంపికైన వారికి వచ్చే ఏడాది జనవరి నుండి నెల్లూరులోని ఏపి స్టార్స్ శిక్షణా కేంద్రంలో శిక్షణా కార్యక్రమాలు నిర్వహించనున్నట్లు జైళ్ల శాఖ డిజి వినయ్‌రంజన్ రే తెలిపారు. బుధవారం ఏపి స్టార్స్ కేంద్రంలో శిక్షణ కోసం అవసరమైన వౌలిక సదుపాయాల కల్పనకు సంబంధించి అధికారులతో సమీక్షించారు.

శ్రీకాకుళం, నవంబర్ 15: ఆంధ్రప్రదేశ్ రాష్ట్రంలో ఆపరేషన్ ఆకర్ష అనే ప్రత్యేక ప్రాజెక్టు ఏమీ టీడీపీకి లేదని, ముఖ్యమంత్రి నారా చంద్రబాబునాయుడు చేస్తున్న అభివృద్ధి ఒక్కటే ఆకర్షణ అంటూ ఎంపీ రామ్మొహన్‌నాయుడు స్పష్టం చేశారు. అది చూసే ఇతర పార్టీల ఎమ్మెల్యేలు వస్తున్నారని అభిప్రాయపడ్డారు. బుధవారం ఇక్కడ ప్రజాసదన్‌లో ఏర్పాటు చేసిన విలేఖరుల సమావేశంలో ఆయన మట్లాడారు.

అమరావతి, నవంబర్ 14: పోలవరం ప్రాజెక్టుకు సంబంధించి రాష్ట్ర ప్రభుత్వం కేంద్రంపై చేస్తున్న ప్రచారంలో నిజం లేదని, కావాలనే కేంద్రంపై బురద జల్లుతున్న వైఖరిని మార్చుకోవాలని కేంద్ర మాజీ మంత్రి, మహిళా మోర్చా ఇన్‌చార్జ్ దగ్గుబాటి పురంధ్రీశ్వరి, రాష్ట్ర మాజీ మంత్రి, బీజేపీ నేత కన్నా లక్ష్మీనారాయణ హితవు పలికారు. ప్రాజెక్టుపై వాస్తవ పరిస్థితులను కేంద్ర మంత్రి గడ్కరీని అడిగి తెలుసుకున్నామని వారు చెప్పారు.

తిరుపతి, నవంబర్ 14: తిరుచానూరులో కొలువైన శ్రీ పద్మావతి అమ్మవారి వార్షిక బ్రహ్మోత్సవాల ప్రారంభ సూచికగా మంగళవారం అంకురార్పణ జరిగింది. బుధవారం ధ్వజారోహణంతో అమ్మవారి బ్రహ్మోత్సవాలు ప్రారంభం కానున్నాయి. ఈనెల 23వ తేదీ వరకు జరగనున్న పద్మావతిదేవీ బ్రహ్మోత్సవాలకు అంకురార్పణ కార్యక్రమాన్ని శాస్త్రోక్తంగా నిర్వహించారు.