విశాఖపట్నం, ఆగస్టు 24: నంద్యాలలో తెలుగుదేశం పార్టీ భారీ మెజార్టీతో గెలవబోతోందని రాష్ట్ర ఐటి, పంచాయతీరాజ్ శాఖ మంత్రి లోకేష్ ధీమా వ్యక్తం చేశారు. కొత్తగా నెలకొల్పిన ఐటి కంపెనీలను ప్రారంభించడానికి గురువారం నగరానికి వచ్చిన లోకేష్ మీడియాతో మాట్లాడుతున్నప్పుడు నంద్యాల ఎన్నికల గురించి విలేఖరులు ప్రస్తావించగా, ‘మీరే చూస్తారుగా’ అని అన్నారు.

ఆదోని, ఆగస్టు 24: కర్నూలు జిల్లా ఆదోనిలో గురువారం గణేష్ మండపం వద్ద పెద్ద పేలుడు సంభవించింది. వివరాలు ఇలా ఉన్నాయి. ఆదోని పట్టణంలోని మట్కార్‌గేరి ప్రాంతంలో వినాయక మండపాన్ని ఏర్పాటుచేశారు. విద్యుత్ దీపాలు ఏర్పాటుకుగాను వెదురు బొంగులు పాతేందుకు మండపం సమీపంలో గుంతలు తవ్వుతుండగా భారీ శబ్ధంతో పేలుడు సంభవించింది. దీంతో అక్కడే ఉన్న వారు భయాందోళనకు గురయ్యారు.

విజయవాడ, ఆగస్టు 24: మైదాన ప్రాంత స్వయం సహాయ బృందాలు (డ్వాక్రా గ్రూపులు) డిజిటల్ టెక్నాలజీ ఆకౌంటింగ్ వంటి ఆధునిక నైపుణ్యాలను అందిపుచ్చుకుంటున్న తరుణంలో, ఏజెన్సీ ప్రాంతాల్లోని ఆదివాసీ మహిళా బృందాలు గత పదేళ్లలో మునుపటి చైతన్యం కోల్పోవడాన్ని ప్రభుత్వం గుర్తించి దానిమీద ప్రత్యేక దృష్టి పెట్టింది. దీనిలో భాగంగా గత రెండు వారాలుగా సెర్ప్ సీనియర్ అధికారులు గిరిజన ప్రాంతాల్లో పర్యటిస్తున్నారు.

విజయవాడ, ఆగస్టు 24: రాష్ట్రంలో చట్టవిరుద్ధంగా జరుగుతున్న మైనింగ్‌పై ప్రభుత్వ ప్రధాన కార్యదర్శి దినేష్‌కుమార్ ఆగ్రహం వ్యక్తం చేశారు. ప్రధానంగా గ్రానైట్, బైరటీస్, సున్నపురాయి విషయంలో చట్టవిరుద్ధంగా మైనింగ్ జరుగుతున్నట్లు తమ దృష్టికి వచ్చిందన్నారు. తక్షణం దీనిపై అధికారులు దృష్టి సారించాలని చెప్పారు. గురువారం వెలగపూడి సచివాలయంలో ఆదాయం ఆర్జించే శాఖలపై దినేష్‌కుమార్ సమీక్ష సమావేశం నిర్వహించారు.