విశాఖపట్నం, ఆగస్టు 26: భారత నౌకాదళంలో విశేష సేవలందించిన విమాన వాహక యుద్ధ నౌక ఐఎన్‌ఎస్ విరాట్‌ను టూరిజం ప్రాజెక్టుగా తీర్చిదిద్దే ప్రతిపాదనకు మళ్లీ కదలిక వచ్చింది. ఇతర రాష్ట్రాలతో పోటీపడి విరాట్‌ను పర్యాటక ప్రాజెక్టుగా తీర్చిదిద్దేందుకు రాష్ట్ర ప్రభుత్వం అవకాశాన్ని దక్కించుకుంది.

తిరుపతి, ఆగస్టు 26 : చెన్నైలో టాస్క్ఫోర్స్ పోలీసులు ఈ నెల 24, 25 తేదీల్లో నిర్వహించిన దాడుల్లో మలేషియాకు తరలించేందుకు సిద్ధంగా ఉంచిన రూ.16 కోట్లు విలువచేసే 40 మెట్రిక్ టన్నుల ఎర్రచందనాన్ని పట్టుకున్నారు. ఇంతేకాకుండా చెన్నై పోర్టు నుంచి మలేషియాకు ఎవరికి చేరుతున్నాయన్న దానిపై కూడా ఆరా తీస్తున్నారు.

కర్నూలు, ఆగస్టు 26: నంద్యాల శాసనసభ నియోజకవర్గ ఉప ఎన్నికకు ఓట్ల లెక్కింపునకు జిల్లా ఎన్నికల అధికారి, కలెక్టర్ సత్యనారాయణ అన్ని ఏర్పాట్లు పూర్తి చేశారు. నంద్యాల పాలిటెక్నిక్ కళాశాలలో అత్యంత భద్రతాచర్యల మధ్య సోమవారం ఉదయం 8 గంటలకు లెక్కింపు ప్రారంభించనున్నారు. మొదట పోస్టల్ బ్యాలెట్ పత్రాలను లెక్కించి ఆ తరువాత ఈవిఎంలలో నిక్షిప్తమైన ఓట్లను లెక్కిస్తారు.

విశాఖపట్నం, ఆగస్టు 26: దేశంలో లక్షలాది మంది కార్మికులు, ఉద్యోగులకు ఉపాధి కల్పిస్తున్న ప్రభుత్వ రంగ సంస్థలను దశల వారీగా మూసివేయడం లేదా ప్రైవేటుపరం చేసేందుకు ప్రధాని నరేంద్ర మోదీ కుట్ర పన్నుతున్నారని సిపిఎం పొలిట్‌బ్యూరో సభ్యుడు బివి రాఘవులు మండిపడ్డారు. ‘సేవ్ పబ్లిక్ సెక్టార్’ పేరిట విశాఖలో శనివారం నిర్వహించిన భారీ బహిరంగ సభలో ఆయన మాట్లాడారు.