S ,7 à 8 RSCA (si SASPAS) et 6 cialis pharmacie cialis rapports de stage.
Others
శృతిలో ఉందంటే
ఆ పాటలో
ప్రాణం ఉన్నట్లే కదా!
సాంత్వన కల్గిందంటే
ఆ జలధార
జీవధార అయనట్లే కదా!
మది పులకించిందంటే
ఆ గానంలో
గాంధర్వం ఉన్నట్లే కదా!
పరవశం కల్గిందంటే
ఆ శ్వాసలో
ఓ పరిమళం ఉన్నట్లే కదా!
హృదయాంతరాళాన్ని
తాకిందంటే
ఆ కవితలో
ఓ రసానుభూతి ఉన్నట్లే కదా!
నా కవితా విహంగం
ఊహల రెక్కలు కట్టుకుని
స్వేచ్ఛగా విహరిస్తుంది
నా కవితా జలపాతం
జన జీవన స్రవంతిలో
స్వచ్ఛంగా ప్రవహిస్తుంది
నా కవితా మలయ మారుతం
ఆశను శ్వాసగా మార్చుకుని
నిశ్చయంగా నినదిస్తుంది
నా కవితా విలయతాండవం
విప్లవాన్ని ఊపిరి చేసుకుని
నిర్భయంగా నాట్యం చేస్తుంది
ఏకాంతం ఏకాంతమంటూ
ముద్దుగా పిలుచుకునే ఒంటరితనమెందుకో
ఒకోసారి మారం చేస్తుంది
నిజాల లెక్కలు తేల్చాల్సిందేనని
అహానికి ఎదురుతిరుగుతుంది
బాహ్యానికి అంతరాళానికీ మధ్య
అడ్డుగోడలా నిలబెట్టిన నిర్లిప్తత
ఇక వల్లకాదంటూ చేతులెత్తేస్తుంది
లోలోన నీలపు బరువు ఉవ్వెత్తున పొంగుతుంటే
నీ చిలిపి కళ్ళతో సంకెళ్ళు తొడిగావు
నీ చిరునవ్వుల తేనె ఊబిలో
నన్ను నిట్టనిలువునా ముంచెత్తావు
ఇంకేముంది
కలలతో కడుపు నింపుకొంటూ
నీ కాళ్ల చెంత పడివుంటా
వెనె్నల కూసే స్వరం కోసం
మెరుపై కురిసే స్పర్శ కోసం..
- డాక్టర్ డి.వి.జి. శంకరరావు,
9440836931
నా కన్నీళ్లను
నీ తలగడ గుండెలో పొదువుకుని
నా దుఃఖాన్ని
నీ దుప్పటి ఒడిలో దాచుకుని
నా వెక్కిళ్ళకు
నీ కీచురాళ్ళ రొదను జతచేసి
నా ఓదార్పుకు
నీ స్వప్నాలను ఊహగా ఇచ్చేసి
నా కష్టాలకు
నీ చీకటిని తోడిచ్చి
నా సంతోషాలకు
నీ వెనె్నలను పంచి
వెళ్ళిపోయావా
వేకువ వచ్చేసి మళ్లిపోయావా
మెలకువనిచ్చేసి...
ఆకాశపు తెరమీద
ఎన్నో ఎనె్నన్నో వర్ణాలు!
పశ్చిమాన సిందూరపు సూరీడు
రౌద్రపు రంగంటుకొని ఖిన్నుడై
తొలి సంధ్య మొదలు మలి సంధ్య దాక
ఏ దారుణ దమనాలు గాంచాడో
ఏ మారణ హోమాలు కన్నాడో!
ఓవైపు వినూత్న ఆధునిక విమానాలు
ఆశాజీవుల నిండుగ నింపుకొని
మరోవైపు చంద్రుడిపై ఆవాసానికి
నివాసాలు నిర్మించ దూసుకెళ్తూ రాకెట్టులు!
ఎర్రని ఎండలో
సెగలు కక్కుతున్న తారురోడ్డు నీడలో
గాలి మేడలో సైరన్ల జోరులో
సాగుతున్న ఆమె జీవన వేదనను
ఒక్కసారన్నా తిలకించారా?
సమ్మెట పైకెత్తి
ఊపిరి పీల్చలేక సన్నని రొదతో
సగం చినిగిన మురికి బట్టలతో
మిలమిల మెరిసిపోతూ
తరగని వెనె్నల కనుల అందాన్ని
పసివాడని దేహాన్ని, మసివాడిన గాయాల్ని
రక్తం చిందుతున్న హస్తాల్ని
వృథాగా
ఎవరి హృదయాన్ని
పగలగొట్టొద్దు!
అది అద్దం వంటిది
పగిలిన ప్రతి ముక్కా
నీ క్రూరత్వానే్న గుణిస్తది!
రాయి విసరడం ఎంత తేలికో
గాయం ఊరుకుంటదా?
మానినా మరకై గుర్తుపెట్టుకుంటది!
స్వీయ గాయాలే లెక్కలేనన్ని
గణించడం పూనుకుంటే
జీవితం కురచనవుతది!
నీకూ నాకూ పెద్ద తేడా ఏముంది చెప్పు?
దారులు వేరుగావచ్చు
ఎన్ని వేల కాంతులో
నిన్ను చూసి చిన్నబోయాయ
నాలో ఎన్నో కలలు
కల్పనలుగా నిన్ను చేరుతున్నాయ
నా వౌనం మధురంగా
నిన్ను కోరుతుంది కలకాలం
నువ్వు నాతో ఉండాలని
నీ వౌనం నన్ను ఎంతగా వేధిస్తుందో
నీ తలపు నా ఎద తలపులను తడుతుంది
నా ప్రేమ నీ ప్రణయాన్ని కోరుతుంది
నీకు నాకు మధ్య ఉన్న మైళ్ల దూరాన్ని
మనసుల మధ్య ఉంచలేవుగా
వాడి హృదయం
నే వాలిన భుజమంత ఎత్తు
వాడి చిరునవ్వు
నా కంటి చినుకులు పడ్డప్పటి
సూర్యుడంత మిణుకు!
ఆహా
వాడి మాట పది కొండల మూట
వాడేమో వాదించని నిశ్శబ్దం
అయనా వాడొక నెమ్మది జలపాతం
వాడి మీసం నన్ను చూస్తే
కోర మెలికలు తిరిగిపోతుంది
నిర్దయుడు దేముడు కూడా మంచోడే
వాడిని పాపం
హృదయం లానే చేశాడు
అయ్యో పాపం వాడో హృదయం