మహిళలు చేయలేని పని ఏదీ ఉండదు. అది ఇంట్లో కావచ్చు. వీధిలోకావచ్చు. ఆఫీసులో కావచ్చు. ఎక్కడైనా సరే మనసు పెట్టి కూర్చున్నదంటే చాలు ఆ పని పూర్తికావలసిందే. ఆఫలితం నలుగురికీ పంచాల్సిందే. ఆదిపరాశక్తిగా అభివర్ణించారంటే అర్థం ఇదేనన్నమాట. తలుచుకొంటే దైన్నైనా చేస్తారు. ఏ పనికీ వెనుకాడే సమస్యే లేదు. అన్నీ కలుషితమైన ఈ ప్రపంచంలో తిండి గురించి చెప్పనవసరం లేదు.

సేవ చేయాలని చిన్నప్పుడే కలుగాలి. బై బర్త్ వచ్చిందండీ అంటుంటారు కదా. అలా దానం చేయడం కాని, ఒకరికి సాయం చేయడం కానీ చిన్నప్పటినుంచి అలవాటు చేయాలి. లేకుంటే పెద్దైన తరువాత డబ్బులు సంపాదించేటపుడు చెబుదాం లే అంటే అపుడు పైసా కూడా ఇతరులకు ఇవ్వబుద్ధి కాదు. ఎందుకంటే అంతా తనది నాది నాది అనే తత్త్వం పెరుగుతుంది.

పుత్రుడు పుట్టినప్పుడు కలిగేది పుత్రోత్సాహం కాదు. ఆ పుత్రుడ్ని లోకం కనుగొని పొగడుతుంటే అపుడు నిజమైన పుత్రోత్సాహం వస్తుంది అని వేమన చెప్పాడు. ఇక్కడ పుత్రుడు అంటే కేవలం మగపిల్లవాడు అనేక ఆదు ఆడపిల్ల అని కూడా అనుకోవచ్చు. తను కన్నబిడ్డను లోకం అంతా పొగడుతుంటే ఆ తల్లికి కావాల్సింది ఏముంటుంది? లోకాన్ని తను గెలిచినంత సంతోషపడిపోతుంటుంది.

నేడు ఆధునిక టెక్నాలజీ పెరిగింది.అరచేతిలోనే వైకుంఠం అన్నట్టు ప్రపంచంలోని నలుమూలల్లో జరిగే వింతలు విశేషాలు తెలుసుకోవచ్చు. ప్రపంచంలో ఎక్కడ అరుదైన విషయం ఉన్నా తెలుసుకోవచ్చు. వస్తువున్నా క్షణాల్లో దాన్ని మన ముంగిట పెట్టుకోవచ్చు. ఇవన్నీ పెరిగిన సాంకేతిక విజ్ఞానం వల్లే జరుగుతున్నాయి.