నేర్చుకుందాం

అలఘు గుణ ప్రసిద్ధుడగు నట్టి ఘనుండొకడిష్టుడై తనున్
వలచి యొకించుకేమిడిన వానికి మిక్కిలి మేలు చేయుగా
తెలిసి కుచేలుడొక్క కొణి దెండటుకుల్ దనకిచ్చినన్ మహా
ఫలదుడు కృష్ణుడత్యధిక భాగ్యము లాతని కీడె భాస్కరా!

భావము:ఓ భాస్కరా! అనంత కల్యాణగుణాలచే విఖ్యాతుడైన మహనీయుడు తన మిత్రుడు లేశమాత్రమైనా పదార్థాన్ని ప్రేమతో సమర్పిస్తే అతనికెంతో మేలు చేస్తాడు. కుచేలుడు ప్రేమతో పెట్టిన అటుకులు చారడైనా మహాఫలదాత అయిన శ్రీకృష్ణుడు అతని స్థితిని గ్రహించి అపార సంపదలను అనుగ్రహించలేదా!

భాస్కర శతకములోని పద్యము - కె. లక్ష్మీఅన్నపూర్ణ