నేర్చుకుందాం

రాతిరి మూషకంబు వివరంబొనరించి కరండబదమై
భీతిలి చిక్కి యాస చెడి పెద్దయు డస్సిన పామువాత సం
పాతము చెందె దాని దిని పాము దొలంగె బిలంబుత్రోవనే
యేతఱి హానివృద్ధులకు నెక్కటి దైవమ్ కారణంబగున్

భావము: ఒక రాత్రి ఒక ఎలుక ఆహారం కోసం బుట్టకు రంధ్రం చేసి, అందులో దూరింది. అంతకుముందే ఒక పాము ఆ బుట్టలో వున్నది. అది ఆ బుట్టలో బద్ధమై ఇరకాటంతో శరీరమంతా కృశించి బయటకు వెళ్ళడానికి సాధ్యంకాక ఆకలితో శరీర పాటవం తప్పి డస్సిపోయి వుంది. ఎలుక లోపల ప్రవేశించగానే పాము దానిని తినివేసి ఆ ఎలుక చేసిన రంధ్రం గుండానే బయటకు పారిపోయింది. అందువలన బంధ మోక్షాలకు కానీ, మేలుకీళ్ళకుగానీ దైవమే కారణం కాని మరేమీ కాదు.

ఏనుగు లక్ష్మణ కవి రచించిన భర్తృహరి నీతి శతకములోనిది.- కె.