యువ
ఆకారంలో చిన్న ఆపరేషన్లలో మిన్న ... ఇవి భలే గాడ్జెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
స్మార్ట్ఫోన్...పదేళ్ల క్రితం వెలుగుచూసిన ఈ చిన్న పరికరం మానవ జీవితంలో భాగమైపోతుందని ఎవరూ అనుకోలేదు. కట్‌చేస్తే...ఇప్పుడు చేతిలో స్మార్ట్ఫోన్ లేకుండా బయటకు వెళ్లలేని పరిస్థితి. చిన్నా పెద్దా అందరికీ దాంతో అవసరమే. ఫోన్ అనేది కేవలం మాట్లాడుకోవడానికే అనే కానె్సప్ట్‌నుంచి బయటకొచ్చి, ఏ పనైనా స్మార్ట్ఫోన్‌తో చేయొచ్చనే ధీమా మనలో పెరిగిందంటే, అందుకు కొత్త పుంతలు తొక్కుతున్న టెక్నాలజీకి సలామ్ చేయాల్సిందే. టెక్నాలజీని మనం చూస్తున్న విధానం, వినియోగిస్తున్న తీరును బట్టి మన జీవన శైలి ఎలా ఉందో ఎదుటివారు ఇట్టే అంచనా వేసేయొచ్చు. స్మార్ట్ఫోన్ల తర్వాత ఠక్కున గుర్తొచ్చే మరో పరికరం టాబ్లెట్. అయితే మన జీవితంతో మమేకమైపోయిన డివైస్‌లు ఒక్క స్మార్ట్ఫోనూ, టాబ్లెట్టేనా? మరింకేమీ లేవా అంటే ఎందుకు లేవూ అన్నది టెక్నాలజీ కోణంలోంచి భవిష్యత్తును చూస్తున్న నిపుణుల ఎదురుప్రశ్న. స్మార్ట్ఫోన్, టాబ్లెట్ వంటి వాటిని పక్కనబెడితే, మనకు తెలియని, మన జీవితాన్ని మలుపు తిప్పే మరికొన్ని గాడ్జెట్లు త్వరలో భారతీయ మార్కెట్లోకి రాబోతున్నాయి. వాటి సంగతులేంటో తెలుసుకుందాం.
కోమెట్
సిగ్నల్ ఉంటే చాలు...స్మార్ట్ఫోన్‌తో ఎక్కడైనా మాట్లాడేయొచ్చా? నీళ్లలో పడితే దాని పని అంతే కదా మరి! కానీ కోమెట్ స్మార్ట్ఫోన్ నీళ్లలో పడితే మునగదు సరికదా, తేలుతుంది. అలాగే తీసి చక్కగా మాట్లాడుకోవచ్చు. వంద శాతం వాటర్ రెసిస్టెంట్ ఫోన్ ఇది. ఇప్పటికే మార్కెట్లో ఉన్న వాటర్ రెసిస్టెంట్ ఫోన్లకు కోమెట్ గట్టి పోటీ ఇవ్వబోతోంది.
స్మార్ట్ ఎగ్
టెక్నాలజీ పెరిగాక, ఇంట్లో రిమోట్‌తో కంట్రోల్ చేసే పరికరాలు ఎక్కువై పోతున్నాయి. టివి, ఏసి, డివిడి ప్లేయర్...ఇలా ఒక్కోదానికీ ఒక్కో రిమోట్ వాడటం చిరాకే. స్మార్ట్ ఎగ్‌ను ఇంటికి తెచ్చుకుంటే ఒకే రిమోట్‌తో అన్నిటినీ కంట్రోల్ చేయొచ్చు. ఎలాగంటారా? బ్లూటూత్‌ద్వారా మీ ఆండ్రాయిడ్ లేదా ఐఓఎస్ స్మార్ట్ఫోన్‌కు స్మార్ట్ ఎగ్‌ను అనుసంధానించండి. అంతే...మీరు ఇంట్లో ఏ డివైస్‌ను కంట్రోల్ చేయాలనుకుంటున్నారో స్మార్ట్ఫోన్‌లో ఎంపిక చేసుకుని, బటన్ నొక్కితే సరి.
యోకేమ్
దీనిని స్మార్ట్ అడ్వంచర్ కెమెరాగా చెప్పుకోవచ్చు. కేవలం 55గ్రాములు మాత్రమే బరువుండే ఈ కెమెరా ఎవరి చేతిలోనైనా ఇట్టే ఇమిడిపోతుంది. యోకేమ్‌తో రెండు గంటల సేపు ఏకధాటిగా వీడియో తీయచ్చు. అలాగే తక్కువ వెలుతురులోనూ చక్కగా ఫొటోలు తీయచ్చు. యోకేమ్ కెమెరాకు మోలిఫై (్యౄజచిక) అనే యాప్ కూడా ఉంది. ఈ యాప్‌ను డౌన్‌లోడ్ చేసుకుంటే దీని సాయంతోనే కెమెరాను కంట్రోల్ చేయచ్చు.
ఫ్లేయె
ఇది ఫుట్‌బాల్ సైజులో ఉండే డ్రోన్. ఇందులో డ్యుయెల్ కోర్ ప్రాసెసార్‌తో అనుసంధానించిన లైనక్స్ బేస్డ్ కంప్యూటర్ ఉంటుంది. అలాగే జిపిఎస్, 512 ఎంబి రామ్, రెండు గ్రాఫిక్ ప్రాసెసార్స్, మల్టిపుల్ సెన్సర్లు, 5ఎంపి కెమెరా వంటివన్నీ ఉంటాయి. ఈ కెమెరా ఎంత శక్తిమంతమైనదంటే పూర్తిస్థాయి హెచ్‌డి వీడియోలను సెకనుకు 30 ఫ్రేములు తీస్తుంది. ఫ్లేయెని స్మార్ట్ఫోన్‌తో కంట్రోల్ చేయొచ్చు.
*
Related Articles
ఏ విషయంలోనైనా మితి మీరితే అవస్థలు అనివార్యం కాకతప్పదు. అందుకే ‘అతి సర్వత్రా వర్జయేత్’ అన్నారు పెద్దలు. పరిధులు, పరిమితులు దాటితే ఉపయోగం కన్నా లేనిపోని సమస్యలు తప్పవు. మన పెద్దలు ఏనాడో చెప్పిన ఈ సూత్రం నేటి ఆధునిక యుగంలో స్మార్ట్ఫోన్లకు నూటికి నూరుపాళ్లూ వర్తిస్తుంది.
మైక్రోసాఫ్ట్ నుంచి అతి త్వరలో అత్యంత తక్కువ ధరకే అత్యాధునిక ల్యాప్‌టాప్ దూసుకురానుంది. లెనెవో, జెపి సంస్థలతో కలిసి మైక్రోసాఫ్ట్ అతి త్వరలోనే రూ.12వేల ప్రారంభ ధరలో విండోస్ 10, విండోస్ 10 ఎస్ పేరిట విద్యార్థుల కోసం ప్రత్యేకంగా ఓ ల్యాపీని ఆవిష్కరిస్తోంది.
ప్రఖ్యాత కార్బన్ కంపెనీ తన నూతన స్మార్ట్ఫోన్ టైటానియం ఫ్రేమ్స్ ఎస్7ను తాజాగా విడుదల చేసింది. ఈ ఫోన్‌ను వినియోగదారులు షాప్‌క్లూస్ వెబ్‌సైట్ ద్వారా కొనుగోలు చేయవచ్చు. దీని ధరను కంపెనీ రూ.6999గా నిర్ణయించింది.
స్వాతంత్య్రం వచ్చాక మన దేశం గణతంత్ర రాజ్యంగా ఏర్పడటానికి, ఆ తరువాతి పరిణామాల్లో ఎన్నో ప్రత్యేకతలు ఉన్నాయి. ఆ విశేషాలు కొందరికి తెలుసు.. కొందరికి తెలియకపోవచ్చు. నేడు గణతంత్ర దినోత్సవం సందర్భంగా కొన్ని అంశాలపై సమాచారం ఎంతవరకు తెలుసో కనుగొనేందుకు ఈ ‘క్విజ్’...
కుర్రకారే కాదు, అన్ని వయసుల వారూ నేడు స్మార్ట్ఫోన్లు వాడుతూ ‘అంతర్జాలం’లో విహరిస్తున్నందున మొబైల్ యాప్స్‌ను డౌన్‌లోడ్ చేసుకునే వారి సంఖ్య నానాటికీ పెరుగుతోంది.