ముంబయి: ఐదేళ్ల చిన్నారిని అత్యంత హేయంగా రేప్ చేసి హత్య చేసిన కేసులో నిందితుడికి మరణశిక్ష విధించిన వైనం ఇక్కడి పర్బని జిల్లాలో చోటుచేసుకొంది. పైశాచికానందం కోసం చిన్న పిల్ల అని కూడా చూడకుండా అత్యాచారానికి పాల్పడిన ఈ ఉదంతాన్ని ‘అత్యంత క్రూరమైనది’గా భావిస్తూ నిందితుడికి మరణశిక్ష విధించినట్లు పోక్సో కేసుల ప్రత్యేక జడ్జి బుధవారం స్పష్టం చేశారు. ప్రాసిక్యూషన్ కథనం మేరకు..

చందర్లపాడు, ఫిబ్రవరి 19: అప్పులభాధ తట్టుకోలేక వ్యక్తి పురుగుల మందు త్రాగి ఆత్మహత్య చేసుకొన్న సంఘటన మండలంలోని చింతలపాడులో బుధవారం జరిగింది. సేకరించిన సమాచారం ప్రకారం చింతలపాడు గ్రామానికి చెందిన కురగంటి శ్రీను (32) అనే వ్యక్తి 3ఎకరాలు కౌలుకు తీసుకొని పత్తి పంట సాగు చేశాడు. పెట్టుబడుల నిమిత్తం 4లక్షలు అప్పు తెచ్చి పెట్టగా ప్రకృకి సహకరించక అప్పులు పెరిగి తీవ్ర మనస్తాపానికి గురయ్యాడు.

శంషాబాద్, ఫిబ్రవరి 19 అక్రమంగా తరలిస్తున్న 11లక్షల విలువైన బంగారాన్ని కస్టమ్స్ అధికారులు స్వాధీనం చేసుకున్నారు. బుధవారం శంషాబాద్ రాజీవ్ గాంధీ విమానాశ్రయంలో తనిఖీలు నిర్వహించగా మహిళ వద్ద బంగారం ఉన్నట్లు గుర్తించారు. 290గ్రాముల బంగారం బిస్కెట్లు, అభరణాలు బయటపడ్డాయని తెలిపారు.

వేములవాడ రూరల్, ఫిబ్రవరి 19 : సిద్దిపేట జిల్లా గజ్వేల్ పట్టణంలో మంగళవారం జరిగిన బ్యాంకు ఉద్యోగిని దివ్య హత్య కేసు ప్రధాన నిందితుడు వెంకటేష్ గౌడ్ బుధవారం సాయంత్రం వేములవాడ పోలీసుల ఎదుట లొంగిపోయాడు. అంతకు ముందు సిద్దిపేట పోలీసులు నాలుగు బృందాలుగా వేములవాడ వచ్చి నిందితుడి తల్లిదండ్రులను అదుపులోకి తీసుకున్నారు. దీంతో వెంకటేష్‌గౌడ్ సాయంత్రం పోలీసులకు లొంగి పోయాడు.