కణేకల్లు, ఫిబ్రవరి 26 : మండల పరిధిలోని గరుడచేడు గ్రామానికి చెందిన కురుబ దేవేంద్రప్ప (23) మంగళవారం విద్యుత్ షాక్‌కు గురై మృతి చెందాడు. పోలీసులు తెలిపిన వివరాల మేరకు సాయంత్రం పొలానికి వెళ్లిన దేవేంద్రప్ప విద్యుత్ తీగలను తగిలి షాక్‌కు గురయ్యాడు. గమణించిన చుట్టుపక్కల వారు హుటాహుటిన కణేకల్లు ప్రభుత్వ ఆసుపత్రికి తీసుకెళ్లగా అప్పటికే మృతి చెందినట్లు వైద్యులు ధ్రవీరించారు.

తిరుపతి, ఫిబ్రవరి 26: శ్రీవారి మెట్టు మార్గంలో జూపార్క్ సమీపంలో శేషాచల అడవుల్లో నరికి అక్రమంగా తరలించేందుకు సిద్ధంగా ఉన్న జువ్వాది మలైకి చెందిన ఒక స్మగ్లర్ అన్నామలైని టాస్క్ఫోర్స్ సిబ్బంది సోమవారం రాత్రి అదుపులోకి తీసుకున్నారు. ఈసందర్భంగా మరి కొంత మంది స్మగ్లర్లు తప్పించుకుని పారిపోయారు. వారి కోసం గాలింపును ముమ్మరం చేశారు. వారు వదిలి వెళ్లిన 12 ఎర్రచందనం దుంగలను గుర్తించారు.

హైదరాబాద్, ఫిబ్రవరి 25: కాంగ్రెస్ పార్టీకి చెందిన మాజీ ఎమ్మెల్యేలు కోమటిరెడ్డి వెంకట్‌రెడ్డి, సంత్‌కుమార్‌లు వేసిన కోర్టు ధిక్కరణ వ్యాజ్యంపై హైకోర్టు సోమవారం స్టే విధించింది. శాసనసభ నియమాలను ఉల్లంఘించి తమపై గత స్పీకర్ అనర్హత వేటు వేశారని వీరిద్దరు గతంలో హైకోర్టును ఆశ్రయించారు. ఈ కేసును విచారించిన హైకోర్టు వీరిపై అనర్హతను ఎత్తివేయాలని శాసనసభ కార్యదర్శిని ఆదేశించింది.

కామవరపుకోట, ఫిబ్రవరి 25: పశ్చిమ గోదావరి జిల్లా కామవరపుకోట మండలం గుంటుపల్లి బౌద్ధ ఆరామాల వద్ద ఆదివారం రాత్రి శ్రీ్ధరణి అనే డిగ్రీ విద్యార్థిని దారుణ హత్యకు గురైన ఘటనపై పోలీసుల దర్యాప్తు ముమ్మరంగా సాగుతోంది. ఆ యువతి వెంట ఉన్నట్లుగా భావిస్తున్న నవీన్ అనే యువకుడు సైతం తీవ్ర గాయాలతో అపస్మారక స్థితిలో ఉండగా గుర్తించిన సంగతి విదితమే.