హైదరాబాద్, జూలై 28: అసలు పేరు చెప్పకుండా మారు పేర్లతో ఫోరెక్స్ ట్రేడింగ్ కంపెనీ ప్రారంభించి అమాయక సామాన్యులనేగాక, ఒక డాక్టర్‌కు కూడా కుచ్చుటోపీ పెట్టిన ఘరానా మోసగాడ్ని సెంట్రల్ క్రైమ్ పోలీసులు అరెస్టు చేశారు.

అనంతపురం సిటీ, జూలై 28: అనంతపురం నగరంలోని స్టేట్ బ్యాంక్ ఆఫ్ ఇండియాలో దొంగలు పడ్డారు. జేఎన్‌టీయూ సమీపంలోని ఎస్‌బీఐ బ్రాంచిలోకి శుక్రవారం రాత్రి ఇద్దరు దొంగలు చొరబడి రూ.39 లక్షల నగదు ఎత్తుకెళ్లారు. గ్యాస్ కట్టర్ సాయంతో కిటికీ చువ్వలు తొలగించి లోనికి ప్రవేశించిన దొంగలు సీసీ కెమెరాలను ధ్వంసం చేసి లాకర్‌కు రంధ్రం చేసి అందులోని నగదు చోరీ చేశారు.

గుడివాడ, జూలై 27: గుడివాడ రాజేంద్రనగర్లోని ఆర్టీవో కార్యాలయంపై శుక్రవారం ఏసీబీ అధికారులు దాడులు నిర్వహించారు. కార్యాలయంలో తిరుగుతున్న 15మంది ఏజెంట్లను అదుపులోకి తీసుకుని వారి నుండి లక్ష రూపాయల నగదును స్వాధీనం చేసుకున్నారు.

న్యూఢిల్లీ, జూలై 27: కేంద్ర సమాచార కమిషన్ (సీఐసీ), రాష్ట్ర సమాచార కమిషన్ (ఎస్‌ఐసీ)లలో ఖాళీలను భర్తీచేయకపోవడంపై సుప్రీంకోర్టు శుక్రవారం తీవ్రంగా స్పందించింది. ఇప్పటివరకు ఎందుకు భర్తీచేయలేదో వివరణ ఇవ్వడంతో పాటు ఎప్పటిలోగా భర్తీచేస్తారో స్పష్టం చేస్తూ అఫిడవిట్లు దాఖలు చేయాలని కేంద్రం సహా ఏడు రాష్ట్రాలకు నోటీసులు జారీచేసింది.