ప్రముఖ దర్శకుడు బోయపాటి శ్రీను వద్ద పదేళ్లుగా అసోసియేట్ డైరెక్టర్‌గా పనిచేసిన అర్జున్ జంధ్యాల మెగా ఫోన్ పట్టనున్నారు. యాక్షన్ సినిమాలకు కేరాఫ్ అడ్రస్‌లా ఉండే బోయపాటి సినిమాల్లాగానే తన శిష్యుని సినిమా కూడా ఉండబోతోంది. ఆర్‌ఎక్స్ 100 సినిమాతో హీరోగా ఒక్కసారిగా వెలుగులోకి వచ్చి, బోల్డంత క్రేజ్ తెచ్చుకున్న కార్తికేయ ఈ చిత్రంలో హీరోగా నటించనున్నారు.

సూపర్‌స్టార్ మహేష్‌బాబు ప్రస్తుతం ‘మహర్షి’ షూటింగ్‌లో పాల్గొంటున్నాడు. సినిమా వచ్చే ఏడాది ఏప్రిల్‌లో విడుదలకానుంది. దీని తర్వాత సుకుమార్ దర్శకత్వంలో నటించేందుకు మహేష్ గ్రీన్‌సిగ్నల్ ఇచ్చిన సంగతి తెలిసిందే. ‘రంగస్థలం’ తర్వాత మహేష్- సుకుమార్ కాంబో ఫైనలైంది. కానీ కథాంశం ఫైనల్ కాలేదన్న వార్తలు వస్తూనే ఉన్నాయి. సుకుమార్ చెప్పిన కథ మహేష్‌కు నచ్చకపోవడంతో, మరో కథ రెడీ చేస్తున్నాడని సమాచారం.

అప్పుడు శ్రద్ధా.. తరువాత దిశా.. ఇప్పుడు సారా. బాఘి సీక్వెన్స్ హీరోయిన్ల గురించేనని అర్థమైంది కదూ. ఔను, ‘బాఘి-3’ ప్రాజెక్టులో సారా అలీ ఖాన్ అవకాశం ఖరారైందట. తొలి ప్రాజెక్టు ‘కేదార్‌నాథ్’తో స్క్రీన్‌కు వచ్చిన సారా అలీ ఖాన్, అది షూటింగ్ జరుగుతున్న టైంలోనే ‘సింబా’లో చాన్స్ దక్కించుకుంది.

శర్వానంద్, సాయిపల్లవి జంటగా హను రాఘవపూడి దర్శకత్వంలో సుధాకర్ చెరుకూరి నిర్మించిన ‘పడి పడి లేచే మనసు’ ప్రీ రిలీజ్ ఈవెంట్ హైదరాబాద్‌లో జరిగింది. ముఖ్య అతిథిగా అల్లు అర్జున్ మాట్లాడుతూ ట్రైలర్ బాగా నచ్చింది. నాకు ప్రేమకథలంటే ఇష్టం. ఆ మ్యాజిక్ ట్రైలర్‌లో ఉంది. ఈ సినిమాతో విశాల్ శేఖర్ పెద్ద సంగీత దర్శకుడు అవుతాడన్న నమ్మకం కలుగుతుంది. ప్రేమమ్, ఫిదా, ఎంసిఏలో సాయిపల్లవి బాగా నటించారు.