చెన్నై: కావేరీ మేనేజిమెంట్ బోర్డు ఏర్పాటు చేయడంలో కేంద్ర ప్రభుత్వ వైఫల్యానికి నిరసనగా డీఎంకే ఇచ్చిన పిలుపుతో తమిళనాడు వ్యాప్తంగా గురువారంనాడు బంద్ జరుగుతోంది. బంద్ సందర్భంగా బస్సు సర్వీసులకు అంతరాయం కలిగింది. సరిహద్దులోని కర్ణాటక నుంచి బస్సు సర్వీసులను అడ్డుకున్నారు. పలు రైళ్ల రాకపోకలకూ ఇబ్బందులు ఏర్పడ్డాయి. దుకాణాలు, వాణిజ్య సంస్థలు మూసేశారు.

జోథ్‌పూర్‌: కృష్ణ జింకల వేట కేసులో బాలీవుడ్ హీరో సల్మాన్‌ఖాన్‌‌ను జోథ్‌పూర్‌ కోర్టు దోషిగా తేల్చింది. మిగతా ఐదుగురు నటులను నిర్దోషులుగా ప్రకటించింది. ఈరోజు తీర్పు సందర్భంగా సల్మాన్‌ఖాన్‌తో పాటు సైఫ్ అలీఖాన్, టబూ, సొనాలిబింద్రే, నీలం తదితరులు జోథ్‌పూర్ కోర్టుకు చేరుకున్నారు. ఈ కేసులో ఆరోపణలు ఎదుర్కొంటున్న సైఫ్ అలీ ఖాన్, సోనాలీ బింద్రే, టబు సహా ఐదుగురు నిర్దోషులని, వారు వేటాడలేదని పేర్కొన్నారు.

న్యూఢిల్లీ, ఏప్రిల్ 4: టీఆర్‌ఎస్ తరపున ఇటీవల రాజ్యసభ సభ్యులుగా ఎన్నికైన బడుగుల లింగయ్య, జోగినపల్లి సంతోష్, బండా ప్రకాశ్ ముదిరాజ్ బుధవారం ప్రమాణ స్వీకారం చేశారు. వీరితోపాటు వివిధ రాష్ట్రాల నుంచి ఎన్నికైన 12 మంది సభ్యుల చేత రాజ్యసభ చైర్మన్ వెంకయ్య నాయుడు ప్రమాణ స్వీకారం చేయించారు. అనంతరం ఈ ముగ్గురు సభ్యులు చైర్మన్ కలిసి ధన్యవాదాలు తెలిపారు. ఈ సందర్భంగా వెంకయ్య వారికి శుభాకాంక్షలు తెలిపారు.

న్యూఢిల్లీ, ఏప్రిల్ 4: విపక్ష సభ్యుల ఆందోళనలతో వరసగా బుధవారం కూడా రాజ్యసభలో వాయిదాల పర్వం కొనసాగింది. ఏకంగా 11సార్లు సభ వాయదా పడింది. బుధవారం రాజ్యసభ ప్రారంభమైన అనంతరం ఇటీవల వివిధ రాష్ట్రాల నుంచి సభకు ఎన్నికైన కొత్త సభ్యుల చేత చైర్మన్ వెంకయ్య ప్రమాణ స్వీకారం చేయించారు.